Nyöŋ 32:18 - JAM DE NHIALIC 2011

¹⁸ Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 32:18 ပူးပေါင်းရင်းမြစ်များ

Diɛt 106:21

Acïk nïïm määr ë Nhialic wään cï ke kony në riɛldɛn dït wään ë Rip.

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 9:17

Ku kɔc ee kërac looi ayï juöör reec Nhialic, abïk lɔ kedhie paan ë thuɔɔu.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 3:21

Awuɔɔu aye piŋ në kur nïïm, ee kɔc ke Yithriɛl kek adhiau ke ke gööny, në biäk cï kek rëër në luɔi de karɛciic, ku cïk nïïm määr në Bɛ̈nydït Nhialicden.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Nyöŋ 8:11

Dɔ̈tkï apiɛth nɔn cä wek nïïm bï määr ë Bɛ̈nydït Nhialicdun, dɔ̈tkï lööŋkɛn cä gäm week ee köölë kedhie ku yak ke riëëu.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Nyöŋ 8:19

Duökï nïïm kɔn määr në Bɛ̈nydït Nhialicdun. Ku duökï yiëth kɔ̈k kɔn lam ku duökï ke luui. Wek yɔ̈ɔ̈k ee köölë, të la wek yen lɔ looi, wek bä riɔ̈ɔ̈r nyïïn ë yic.

1 Tham 12:9

Ku yen acï kɔc nïïm guɔ määr ë Bɛ̈nydït Nhialicden, go Pilithiin ku melik ke Mowap ku Thithera, bɛ̈ny ë rem de tɔŋ ë wun cɔl Ɣadhar piɔ̈t kekë kuarkun, ago kuarkun keek tiam.