Nyöŋ 32:15 - JAM DE NHIALIC 2011

¹⁵ “Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:15 ပူးပေါင်းရင်းမြစ်များ

2 Tham 22:47

Bɛ̈nydït apïïr! Yak gëlgëldï lɛc nɔm! Yak dït de Nhialic ee ya kony luɛɛl!

1 Lëk 5:25

Na wën ke kɔc ë ke lui awäc Nhialic de kuarken, ku reeckï, ku lamkï yiëth ke kɔc ɣɔn bï ë Nhialic ke cuɔp wei pinyden ë kenïïm.

2 Lëk 12:1

Na wään cï Reɣobowam rɔt kiɛm piny ku cï riɛl ke ee melik, gokï lööŋ ke Bɛ̈nydït pɔ̈l yen kekë kɔcke.

2 Lëk 26:16

Na ɣɔn cï melik Yudhia rɔt yök ke cï riɛl, go rɔt lɛɛc, ku kënë acï yen bɛ̈n tɔ wiɛ̈ɛ̈k ë awäcic. Acï Luaŋdïït de Nhialicde riɔ̈ɔ̈k ago wal ŋïr lɔ nyop ë yïïŋ de nyum ë wal ŋïr nɔm.

Neɣe 9:25

Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Jop 15:27

enɔm riɛl ëtör kekë lɛc,

Diɛt 100:3

Ku ŋiɛckï nɔn Ye Bɛ̈nydït Nhialic. Ee Yen ë cak wook, ka wok ee kake, Wok ee kɔcke, wok ee thökke.

Diɛt 119:70

Ayek kɔc cïn ŋïny de käŋ, ku yɛn ee miɛtëpiɔ̈u yök në lööŋku yiic.

Diɛt 17:10

Acïkï piɔ̈ɔ̈th ee kok, ku ayek jam në lɛc.

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Diɛt 73:7

Ayek karɛc wäl piny në kepiɔ̈ɔ̈th, ku yek karɛc tak ë kenïïm ceŋ.

Diɛt 81:11

“Ku kɔckï acïkï jamdï ee kɔn piŋ, kɔc ke Yithriɛl acïkï yɛn ee riëëu.

Diɛt 89:26

Abï ya lëk ɛn an, ‘Yïn ee Wäär, ku Ye Nhialinydï, Yïn ee gëlgëldï ku konydï.’

Diɛt 89:27

Abä tɔ ye wën kɛ̈idï, raandït në meliik nïïm kedhie.

Diɛt 95:1

Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 44:2

Yɛn ee Bɛ̈nydït ë cak week, në kööl ɣɔn dhiëëthë week, wek cä kony. Duökï riɔ̈c, wek ee awuutkï, kɔckiën cä lɔc, kɔc nhiaar keek.

Yith 6:10

Na wën ke lëk ɛn an, “Tɔ kɔckë ril nïïm, thiök keyïth ku tɔ ke miŋ, agokï cuö be daai në kenyïïn, ku cïkï be piŋ në keyïth, ku cïkï käŋ be yökiic në kepiɔ̈ɔ̈th. Ke ke cïï kepiɔ̈ɔ̈th bï puk aguɔ ke tɔ dem.”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 2:5

Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Jeremia 5:28

yeka cuɛi kek ku piɛthkï gup. Luɔidɛn rac acïn pëk. Acïkï mïth abɛɛr ee gäm yicden, ku cïkkï löŋ de kɔc yɔŋ ee ŋiëc guiir.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 4:7

Të cïï bäny ke kake Nhialic juëc, awäc ee yenyin ŋuak ayadäŋ. Ka dhuëëŋden abä puk aye ayäär.

Luɔi 28:27

Piɔ̈n ë kɔckë acï guɔ cuai, Ku acïkï ee piŋ apiɛth ë keyïth, ku acïk kenyïïn niɛɛn, Ke ke cïï bï daai ë kenyïïn, Ku pïŋkï ë keyïth, Ku yökkï jam ë kepiɔ̈ɔ̈th, Ku jɔkï kepiɔ̈ɔ̈th puk, Aguɔ keek tɔ dem.”’

Luɔi 9:5

Go thiëëc an, “Ee yïn ŋa, Bɛ̈nydït?” Go Bɛ̈nydït lueel an, “Ee Yɛn Yecu raan yɔŋë: atök të wec yïn wiɛth thook.”

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 33:5

Bɛ̈nydït acï ya Meliŋ ë Jecurun, wään bï bäny ke kɔc kenïïm mat, ku mät dhiëën ke Yithriɛl ëbɛ̈n tëtök.

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

1 Tham 2:29

Ku eeŋö tɔ yïn tɔ woi miɔ̈c de Bɛ̈nydït në dït ë piɔ̈u, miɔ̈c Ya kɔɔr tëde kɔckï? Eeŋö, Eli, ee yïn mïthku riëëu awär Ɛn, tɔ keek nöm biäk piɛth në miɔ̈c de Bɛ̈nydïtic, miɔ̈c ye kɔckï gäm Ɛn?