Nyöŋ 32:13 - JAM DE NHIALIC 2011

¹³ Acï keek tɔ ceŋ ɣään thöny ke pinynɔm, ku camkï kak ee luɔk ë duumiic. Ku yökkï miök de kiëc ë kuriic, ku lok tiimkɛn ke olip piny de kuur.

Nyöŋ 32:13 ပူးပေါင်းရင်းမြစ်များ

2 Tham 22:34

Ee ya tɔ ril cök cït man ë kɛɛu,, ee yɛn gël në kur nïïm.

Jop 20:17

Acïï bï pïïr bï wɛ̈ɛ̈r de olip tïŋ, nyïïn ee kuëër ë miök de kiëc ku ca.

Jop 29:6

të ɣɔn ye awuulkiën ke dëk wat ë ca, ku ye tiɔɔmdï kuëër në miök,

Diɛt 18:33

Ee ya gël cök cït man ë ŋɛɛr ke ya cï bï kɔ̈th, ee ya gël në kur nïïm.

Diɛt 81:16

Ku wek bä cääm në kuïn de agamɔ piɛth, ku ta week kueth në miök de kiëc.”

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Edhekiɛl 16:13

Ku yïn de nɔm joth ke adhääp ku ateek, ku yïn ee lupɔɔ cï cuëëc në alɛɛth ke lupɔ piɛth lɔ mot ku lupɔ lɔ riauriau cieŋ. Ku yïn ee cam në kuïn cï pam cï looi në aɣar lɛ̈k de yic miök de kiëc ku miök de olip. Dikdu aa riau, ago jɔ aa tiiŋ melik.

Edhekiɛl 21:17

Yɛn aya yɛn cï yaciin pam, ku agönhdï abï jɔ thök. Ee yɛn Bɛ̈nydït yɛn ajam.”

Edhekiɛl 36:2

Yɛn Bɛ̈nydït Awärjäŋ piŋ: kɔc ke ater ke Yithriɛl acïï tiɛɛl ke dɔm, ayek lueel an, ‘Ënɔɔnë kur thɛɛrkë ayek kakuɔ!’

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Nyöŋ 28:47

Bɛ̈nydït acï week thieei në käŋiic ëbɛ̈n, ku akënkï luööi në miɛtëpiɔ̈u ku në piɔ̈ɔ̈th mit.

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 8:15

Acï week wat në ee jɔ̈ɔ̈r dït ë riɔ̈ɔ̈cë yic ëbɛ̈n, të de yic karɛc ayï manciëëi de thok wurïï. Yen piny ril cïn yic pïïu. Acï pïïu bɛ̈n tɔ bɔ̈ bei ë kuur lɔ giliu yic në këdun.

Nyöŋ 8:8

piny ee luɔk agamɔ, ku barli, ku enap, ku ŋaap, ku pomegraneet, ku tiim ke olip, ku miök ë kiëc.