Nyöŋ 31:6 - JAM DE NHIALIC 2011

⁶ Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:6 ပူးပေါင်းရင်းမြစ်များ

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

2 Tham 10:12

Tɔ rɔt ril, ku ŋɛɛnyë! Wok bï tɔŋ dhil thɔ̈ɔ̈r në riɛl, në biäk de kɔckuɔ ku pɛ̈ɛ̈nydït ke Nhialicda. Ku Bɛ̈nydït abï këde piɔ̈nde tɔ looi!”

1 Mel 2:2

“Yɛn lɔ në kueer ye raan ëbɛ̈n lɔ raan nu ë tiɔp nɔm. Riɛlë ku tɔ rɔt ee moc,

1 Mel 6:13

Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

1 Lëk 22:13

Të le yïn lööŋ cï Bɛ̈nydït gäm Mothe në baŋ de kɔc ke Yithriɛl lɔ riëëu kedhie, yïn bï tiam ë luɔidu yic. Riit yïpiɔ̈u ku tɔ rɔ ril, ku du riɔ̈c.

1 Lëk 28:10

Abä dhil jɔ ŋic ënɔɔnë, nɔn cïï Bɛ̈nydït yï lɔc bä tëɣeric yïk, loi ënɔɔnë, ku tɔ yïpiɔ̈u ril.”

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

2 Lëk 32:7

“Takï röt ril, ku riɛtkï wepiɔ̈ɔ̈th, ku duökï riɔ̈c në melik de Athiriya, ku nɔn ee remdɛn de tɔŋ cath ke yen. Wok de nïïm riɛldït ë biäkda, riɛl wär riɛl cath ke yen.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Jeremia 1:8

Du riɔ̈c në keek, Yɛn bï tɔ̈u wo yïn ke yï gɛ̈l. Acä lueel Yɛn Bɛ̈nydït!”

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Kuɛ̈n 13:20

Ku tiëŋkï na ee piny ŋic luɔk ku cie luɔk, ku nɔn de yic roor ku nɔn cïnic roor. Riɛtkï wepiɔ̈ɔ̈th ku bɛ̈ɛ̈ikï mïth ke tiim ee luɔk ëtɛ̈ɛ̈n. (Aake lɔ në akööl ye enap luɔk ee pinyë).

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Nyöŋ 1:21

Tiëŋkï yeka. Lakï ku ɣapkï cït man wään cien we yɔ̈ɔ̈k, an, duökï lɔ wïlwïl ku duökï riɔ̈c.’

Nyöŋ 1:29

“Aguɔ lɛ̈k week, an, ‘Duökï riɔ̈c aläl në keek.

Nyöŋ 11:8

“Riëëukï lööŋ kedhie, lööŋ cä gäm week ee köölë. Yen abä wek kiir lëu në tɛ̈m ku nämkï piny kaarkï bä wek lɔ thïn.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 31:23

Go Bɛ̈nydït Jocua wën de Nun yɔ̈ɔ̈k, an, tɔ rɔt ril ku rit yïpiɔ̈u, në baŋ bï yïn mïth ke Yithriɛl lɛɛr piny cän kuëëŋ an bä gäm keek, ku yɛn guöpdï yɛn bï tɔ̈u wokë week.

Nyöŋ 31:7

Ku ëtɛ̈ɛ̈n Mothe ë Jocua bɛ̈n cɔɔl ku yöök në kɔc ke Yithriɛl nïïm kedhie an, “Tɔ rɔt ril ku tɔ rɔt ee jöt, në baŋ bï yïn dhiɛl jäl wekë ë kɔckë, lak piny wään cïï Bɛ̈nydït lɛ̈k kuarkun an bïï gäm keek. Ku abä dhiɛl tɛ̈k keek ke ye këden.

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Nyöŋ 7:18

Duökï riɔ̈c në keek, takï wenïïm në kë cïï Bɛ̈nydït Nhialicdun luöi Melik de Rip kekë kɔcke kedhie.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 10:25

Go Jocua lɛ̈k bänyke an, “Duökï röt pɛ̈l wei. Riɛtkï wepiɔ̈ɔ̈th ku takkï röt ril. Yen kë bïï Bɛ̈nydït luöi kɔc de ater ë week ka kedhie.”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

1 Tham 12:22

Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke