Nyöŋ 31:3 - JAM DE NHIALIC 2011

³ Bɛ̈nydït Nhialicdun abï lɔ lɔɔk ë wenïïm tueŋ. Abï ë juöörkë riɔ̈ɔ̈k në wenyïïn, ku wek bï pinyden nööm. Ku Jocua ayadäŋ abï lɔ lɔɔk në wenïïm tueŋ, cït man cï Bɛ̈nydït ye lueel.

Nyöŋ 31:3 ပူးပေါင်းရင်းမြစ်များ

Cäk 48:21

Ago Jakop lɛ̈k Jothep an, “Yakï thouwë, Nhialic abï tɔ̈u ke yïn. Ku abï yï puɔ̈k nɔm piny ë kuarkun.

Luɔi 7:45

Na wën, ke kuarkuɔn ë bɔ̈ ë kecök ke ke löök paany bɛ̈ɛ̈i në Jocua ɣɔn peec kek piny de juöör cïï Nhialic ciɛɛc wei ë kuarkuɔ nïïm, ago tɔ̈u aɣet cï akööl ke Debid,

Nyöŋ 1:30

Bɛ̈nydït Nhialicdun, raan nu ë wenïïm abï week thäär tɔŋ, cït man wään cï Yen e luöi week ë Rip, ke we daai në wenyïïn.

Nyöŋ 3:28

Gämë Jocua lööŋ ke riët ë piɔ̈u, ku gämë riɛl, në biäk bï en kɔc lɛɛr lɔŋtui, bïk piny cï tïŋ lɔ ɣap.’

Nyöŋ 31:14

Go Bɛ̈nydït Mothe yɔ̈ɔ̈k an, “Ënɔɔnë akööl ke Thondu acïk thiɔ̈k, cɔl Jocua ku bɛ̈ɛ̈iyë ë paany de mätic, aguɔ bɛ̈n gäm lööŋke.” Ago Mothe kekë Jocua lɔ në paany de mätic.

Nyöŋ 31:23

Go Bɛ̈nydït Jocua wën de Nun yɔ̈ɔ̈k, an, tɔ rɔt ril ku rit yïpiɔ̈u, në baŋ bï yïn mïth ke Yithriɛl lɛɛr piny cän kuëëŋ an bä gäm keek, ku yɛn guöpdï yɛn bï tɔ̈u wokë week.

Nyöŋ 31:4

Ku abï Bɛ̈nydït ke luöi kë cït kë wään cï luöi yï Thiɣon kekë Og. Kek Meliik ke kɔc ke Amor wään bï keek riɔ̈ɔ̈c ayï pinyden.

Nyöŋ 34:9

Ku Jocua wën de Nun aa pelnɔm aläl në baŋ cïï Mothe yen lɔc ke ee raan bï tëde lɔ̈ɔ̈k lak. Ku kɔc ke Yithriɛl aake riëëu Jocua ku dötkï lööŋ ke Bɛ̈nydït wään bï Mothe gäm keek.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Ɣeberuu 4:8

Ku na ë Jocua ë cï kɔc tɔ lɔ̈ŋ në lɔ̈ŋ ë cïï Nhialic lueel, adï kën Nhialic bɛ jam në këde kööl ë lɔ̈ŋë.

Jocua 1:2

an, “Mothe, awundï ë thou. Ka ënɔɔnë, guiir rɔt wekë kɔc ke Yithriɛl kedhie, ke we bï wɛ̈ɛ̈r de Jordan teem lakï piny kaar bä gäm week.

Jocua 11:15

Bɛ̈nydït acï lööŋkë gäm awundɛn Mothe, go Mothe ke lɔ gäm Jocua, go Jocua ke lɔ döt. Ku looi këriëëc ëbɛ̈n, kë cïï Bɛ̈nydït thɔ̈n Mothe.

Jocua 3:7

Go Bɛ̈nydït lɛ̈k Jocua an, “Kë bä looi ë köölë, abï kɔc ke Yithriɛl tɔ rïïu yïn guöp, cït man ë raandït. Ku abïk jɔ ŋic nɔn täu Ɛn wokë yïn, cït man ɣɔn kan Ɛn tɔ̈u wokë Mothe.

Jocua 4:14

Ku Bɛ̈nydït ë Jocua bɛ̈n dhuëëŋ guöp arëët në kɔc ke Yithriɛl nïïm kedhie. Agokï Jocua bɛ̈n riëëu guöp anande, cït man wään rïïu kek Mothe.