Nyöŋ 31:20 - JAM DE NHIALIC 2011

²⁰ Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 31:20 ပူးပေါင်းရင်းမြစ်များ

Neɣe 9:35

Në athiɛɛidu, aye meliik kɔcku mac, të rëër kek piny lääu ŋic luɔk cï gäm keek, ku ayek jaai në luɔi bï kek luɔi de karɛc pɔ̈l ku luuikï Yïn.

Diɛt 119:70

Ayek kɔc cïn ŋïny de käŋ, ku yɛn ee miɛtëpiɔ̈u yök në lööŋku yiic.

Diɛt 17:10

Acïkï piɔ̈ɔ̈th ee kok, ku ayek jam në lɛc.

Diɛt 73:7

Ayek karɛc wäl piny në kepiɔ̈ɔ̈th, ku yek karɛc tak ë kenïïm ceŋ.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Yith 6:10

Na wën ke lëk ɛn an, “Tɔ kɔckë ril nïïm, thiök keyïth ku tɔ ke miŋ, agokï cuö be daai në kenyïïn, ku cïkï be piŋ në keyïth, ku cïkï käŋ be yökiic në kepiɔ̈ɔ̈th. Ke ke cïï kepiɔ̈ɔ̈th bï puk aguɔ ke tɔ dem.”

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 5:28

yeka cuɛi kek ku piɛthkï gup. Luɔidɛn rac acïn pëk. Acïkï mïth abɛɛr ee gäm yicden, ku cïkkï löŋ de kɔc yɔŋ ee ŋiëc guiir.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 34:20

“Ka ënɔɔnë, Yɛn Bɛ̈nydït Awärjäŋ alɛ̈k week nɔn bän löŋ guiir në kaamdun wek amɛ̈l ril ku amɛ̈l kɔ̈c.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Nyöŋ 11:16

Duökï röt tɔ thelë wei në Bɛ̈nydïtdun lɔ̈ɔ̈m, bäk yiëth kɔ̈k lɔ lam, ku luööikï keek

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Nyöŋ 6:3

Piɛŋkï keek, wek kɔc ke Yithriɛl ku riëëukï keek, ago käŋ ëbɛ̈n piath ke week, ku wek bï aa jur ril ë tör ku rɛ̈ɛ̈rkï piny ee wat ë ca ku miök ë kiëc, cït man cïï Bɛ̈nydït Nhialic de kuarkun ye lɛ̈k wook.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 8:19

Duökï nïïm kɔn määr në Bɛ̈nydït Nhialicdun. Ku duökï yiëth kɔ̈k kɔn lam ku duökï ke luui. Wek yɔ̈ɔ̈k ee köölë, të la wek yen lɔ looi, wek bä riɔ̈ɔ̈r nyïïn ë yic.

Nyöŋ 8:7

Bɛ̈nydït Nhialicdun aleer week piny ee ŋiëc luɔk, piny de yic kiɛɛr ku nyïïnke, ku awɛɛŋ ke pïïu piny ayek röt mɔc ë wëkiic ku kuriic,