Nyöŋ 31:16 - JAM DE NHIALIC 2011

¹⁶ Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 31:16 ပူးပေါင်းရင်းမြစ်များ

Cäk 15:15

Ku yïn guöpdu, yïn bï thou ë läŋ ke runku ë ke rɔ̈ŋ.

Cäk 47:29

Na wään, aacï Jakop thiɔ̈k ke thuɔɔu, ke cɔl Jothep wënde. Ku lëk en an, “Luötë yïcin në yaɣɔ̈ɔ̈m, ku kuëŋ nɔn cïn ɛn bï thiɔ̈k piny ë Rip.

Cäk 47:30

Akaar nɔn bï yïn ya lɔ thiɔ̈k të wään thiɔ̈k ë kuarkuɔ thïn. Jatkï yɛn piny ë Rip, ku lak thiäkkï yɛn të nu kuarkuɔ.” Go Jothep gam lueel an, “Yɛn ë gam, këduön cï lueel abä looi.”

2 Tham 7:12

Të lee yïn thou ku biɔth kuarkun cök. Yɛn bï mɛnh tök ë mïthku yiic tɔ ye melik ë nyindu yic, ku Yɛn bï ciɛɛŋde tɔ ril.

1 Mel 1:21

Na cïn kë lueel, ke wëndiën Tholomon ku yɛn wok bï cieŋ, në ciɛɛŋ de kɔc ee karɛc looi të le yïn guɔ thou.”

1 Mel 18:18

Go Elija pɔ̈k nɔm en, an, “Acie yɛn ë non Yithriɛl, ee yïn wekë baai de wuur. Wek ë lööŋ ke Bɛ̈nydït pɔ̈l ku lamkï yiëth ke Baal.

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

2 Mel 18:12

Thamaria aa löny, në kë kën kɔc ke Yithriɛl Bɛ̈nydït Nhialicden riëëu, ku acïk löŋ cïï Bɛ̈nydït mac ke keek dhoŋ kɔ̈u, ku reeckï lööŋ ë gëmë Mothe keek, awun de Bɛ̈nydït. Keek aake cie piŋ ku cïkkï gäm.

2 Mel 20:1

Në ë kaamë melik Ɣedhekia aa cï jɔk dɔm, ku acï thiɔ̈k ke thuɔɔu, go tiët ë Nhialic Yithaya wën Amoth yen lɔ tïŋ ku lɛ̈k en an, “Acïï Bɛ̈nydït lɛ̈k yïn an coc kaku ëbɛ̈n jɔŋ nu ë yïguöpë acï bï thök, abï yï nɔ̈k.”

2 Lëk 21:11

Arëk abïï ɣään ke läm ke yiëth yïk piny ë kuur de Juda yic, ago kɔc ke Juda ku kɔc ke Jeruthalem tɔ lui Bɛ̈nydït awäc.

Jop 20:11

Yomkɛn ril ke dhuök abï ke tɔ̈ɔ̈u ë tiɔpic ë yen.

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Bɛ̈n 32:6

Na ɣɔn amiäk aduduur, ke ke bïï miɔ̈c ye nyop ëbɛ̈n, ayï miɔ̈c bï gam ke ye miɔ̈c de mät. Ku jɔ kɔc nyuc piny ciëmkï ku dëkkï. Na wën, ke ke jɔt röt cöŋkï.

Bɛ̈n 34:15

Duökï mät loi në kɔc de pinyë, ke ke cïï week bï cɔɔl në kööl lɛm kek yiëth, ayï kööl miɔɔc kek yiëth. Ke we cïï röt bï mat thïn, ku bäk piɔ̈ɔ̈th dɛ cäm de kacaam cïk näk yiëth.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Edhekiɛl 16:15

“Ku yïn cï dikdu guɔ ŋɔ̈ɔ̈th, ku cï dɛ kɛk ee yïn akɔɔrröör ee niin we raan ëbɛ̈n, raan cï bɛ̈n në yïlɔ̈ɔ̈m.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 10:4

Ayek röt thɔ̈n kajuëc, ku kuëëŋkï në lueth, ku matkï kajuëc. Ku në biäk de ee kakë, ayek röt gaany arëët, cït man ye wɛl ke awɔɔk dap cil në dom cï puur yic.

Lebai 26:15

Ku na lak wëëtdï rɛɛc ku mankï lööŋkï, ku cäkï lööŋkiën cä lueelë kedhie bï looi, ku dhuɔŋkï mändï kɔ̈u.

Kuɛ̈n 27:13

Na cï tïŋ, ke yïn bï thou cït man wään kɔn Aron wänmuuth thou,

Luɔi 13:36

Ku Debid, të cï en remden kony në këde piɔ̈n ë Nhialic, ke jɔ thou, go jɔ tɔ̈ɔ̈u kekë kuarken ëtök, go dhiap.

Nyöŋ 31:18

Ku ë yic ë köölë yɛn bï thiaan në keek, në biäk de karɛckɛn cïk looi ëbɛ̈n, ë gɛm cï kek röt gäm yiëth kɔ̈k.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:50

Yïn bï thou ee kuurë nɔm, cït man cïï wäänmuuth Aron thou në kuur de Ɣor nɔm.

Nyöŋ 34:5

Ago Mothe awun de Bɛ̈nydït thou ëtɛ̈ɛ̈n piny de Mowap, cït man cï Bɛ̈nydït ë lueel an bï thou.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”

Bäny 10:13

Ku wek cï Yɛn puɔ̈l ku lamkï yiëth kɔ̈k, ka wek cä bï bɛ luök.

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:12

Ku pälkï Bɛ̈nydït Nhialic de kuarken, Nhialic wään bïï keek bei piny de Rip, ku yek yiëth kɔ̈k lam, yiëth ke kɔc rɛ̈ɛ̈r ë keek, ku yek kenïïm guöt piny ë kenïïm, ku jɔkï Bɛ̈nydït tɔ göth.