Nyöŋ 31:12 - JAM DE NHIALIC 2011

¹² Kut kɔc nïïm, röör ku diäär ku mïth ku kɔc lei rɛ̈ɛ̈r në wuötken yiic, agokï piŋ ku wëëtkï në luɔi bï kek Bɛ̈nydït Nhialicdun aa riëëu, ku bïk wël nu ee löŋë yic kedhie aa kuany cök apiɛth.

Nyöŋ 31:12 ပူးပေါင်းရင်းမြစ်များ

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Lebai 9:5

Ago kɔc bɛ̈n kedhie në Paany de mät thok, ku bïïkï ka cï Mothe keek yɔ̈ɔ̈k an bïk keek bɛ̈ɛ̈i, ago akutnɔm ëbɛ̈n kɔ̈ɔ̈c në Bɛ̈nydït nɔm.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Nyöŋ 29:29

“Ade ka kɔ̈k cïï Bɛ̈nydït Nhialicda keek tɔ ee kacïmoony, ku Bɛ̈nydït acï löŋde nyuɔɔth, ku wook në mïth ke mïthkuɔ abuk dhil riëëu aɣet athɛɛr.

Nyöŋ 29:9

Riëëukï cök ke ë löŋ cï macë kedhie në piɔ̈n adöt, aguɔkï tiam në këriëëc yak looi yic ëbɛ̈n.

Nyöŋ 31:13

Ku mïthkun kuc ee löŋë abïk dhil piŋ ku wëëtkï ë luɔi bï kek aa riɔ̈ɔ̈c ë Bɛ̈nydït Nhialicdun në akööl bä wek ke rëër piny bä wek lɔ thïn ë Jordan nɔm lɔɔk.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Jocua 8:33

Ago kɔc ke Yithriɛl kedhie në röördïtken, ku kɔc nu në kenïïm, ayï bäny ee lööŋ guiir, ayï alɛi rɛ̈ɛ̈r në keek, acïk bɛ̈n kɔ̈ɔ̈c në athänduk lɔ̈ɔ̈m në biäk kaarou, ke ke wël kenïïm bäny ke kake Nhialic, kɔc dhiën ë Lebi ɣɛ̈ɛ̈c Athänduŋ de män ë Bɛ̈nydït. Biäk de kɔc acïk kääc ke ke wel kekɔ̈ɔ̈th kuur de Geridhim, ku kääc biäk däŋë ke ke wel kekɔ̈ɔ̈th kuur de Eebal. Acïï Mothe awun ë Bɛ̈nydït thɔ̈n keek ɣɔn, an bïk ee kënë aa looi në kööl nööm kek athiɛɛi.

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.