Nyöŋ 31:11 - JAM DE NHIALIC 2011

¹¹ Të ye kɔc ke Yithriɛl kedhie bɛ̈n në Bɛ̈nydït Nhialicdun nɔm, tëdɛn bï lɔc, yɛn bï ee löŋë kueen në kenïïm kekë piŋ.

Nyöŋ 31:11 ပူးပေါင်းရင်းမြစ်များ

2 Mel 17:37

Wek bï lööŋ ku wëët wään cä lɛ̈k week dhil riëëu. Ku duökï yiëth kɔ̈k ee riëëu,

2 Mel 23:2

go lɔ melik ë Luaŋdïtic ke cath ke bäny ke kake Nhialic ku tït ku lɔ kɔc ëbɛ̈n, kɔc kueth ku kɔc kuanynyïïn kedhie. Go melik wël ke awerek de löŋ cï mac kueenic në röl dït në kɔc nïïm kedhie, awerek ɣɔn yök Luaŋdïtic.

Neɣe 8:13

Në kööl däŋë ke röördït nu dhiëën nïïm mɛ̈tkï në bäny ke kake Nhialic ku kɔc ke Lebai, lekkï tëde Edhera, bï ke lɔ wɛ̈ɛ̈t në lööŋ.

Neɣe 8:18

Gɔl në kööl tueŋ de dhuëëŋ agut cï kööl ë thök de dhuëëŋ, awerek de löŋ de Nhialic aa yek cool ë kueen kek en yic. Aake loi dhuëëŋ në nïn kadhorou yiic, na ɣɔn në kööl ë bɛ̈t ke ke jɔ lɔ̈ŋ de amatnɔm looi, cït man ë kë cï löŋ lueel.

Neɣe 9:3

Në kë cït thɛɛr kadiäk ke löŋ de Bɛ̈nydït Nhialicden ë kuënë keek, ku thɛɛr kɔ̈k kadiäk ke ke gam awɛ̈ɛ̈cken ku läŋkï Bɛ̈nydït Nhialicden.

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Bɛ̈n 34:24

Të cän juöör kɔn cuɔp wei në wenïïm tueŋ, ku cä tëdun kɔn tɔ lääu, të la wek ë Bɛ̈nydït Nhialic nɔm, acïn raan bï pinydun bɛ them në rum në kɛm ke dhuëŋkë kadiäk.

Luɔi 13:15

Na wën, të cï löŋ guɔ thök ë kuɛ̈n kekë tït, ke bɛ̈ny ë luaŋ ë Nhialic ke tuc raan keek an, “We wäthii, na de jam bäk guiëër kɔc, luɛlkï këdun.”

Luɔi 15:21

Mothe ade kɔc ee löŋde guiir ëcaŋɣɔn ë wuöt ëbɛ̈n yiic, jamde aye kueenic ë ɣööt ke Nhialic yiic ë akööl ke Thabath kedhie.”

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.