Nyöŋ 30:9 - JAM DE NHIALIC 2011

⁹ Ku ëtɛ̈ɛ̈n Bɛ̈nydït Nhialicdun abï week tɔ kueth aläl në luɔi de wecin ku abï week tɔ kɛɛr ayï daau ke ɣɔ̈kkun ayï rɛɛp ke pinydun abïk juëc. Ku Bɛ̈nydït abï piɔ̈u bɛ miɛt kekë week ku tɔ week kueth, cït man wään ee yen piɔ̈u miɛt kekë wärkun.

Nyöŋ 30:9 ပူးပေါင်းရင်းမြစ်များ

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Yith 65:19

Yɛn guöpdï Yɛn bï thiäŋ wo miɛtëpiɔ̈u në biäk de Jeruthalem ke kɔcke. Abï ciën dhiëëu ëtɛ̈ɛ̈n, ku raan kɔɔr kuɔɔny.

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Lebai 26:4

Wek bä tuöc deŋ ruël, ku piny abï luɔk në rɛɛpke, ku dhiëëth tiim mïthken.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Jɔn 15:11

Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

Nyöŋ 28:4

“Bɛ̈nydït abï week thieei në mïth juëc, ku rɛɛp juëc, ku ɣɔ̈k juëc ku thök juëc.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 30:8

Ku wek bï Bɛ̈nydït bɛ riëëu ku kuanykï lööŋke yiic kedhie, lööŋ gäm ke week ëköölë.

Nyöŋ 7:14

Acïn kɔc bï nu ë piny nɔm kɔc bï dɛ athiɛɛi de kuɛth cït week. Acïn moc ayï tik bï aa rol ë weyiic, ku acïn weŋ bï nɔm ciën dɔu.