Nyöŋ 30:3 - JAM DE NHIALIC 2011

³ Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.

Nyöŋ 30:3 ပူးပေါင်းရင်းမြစ်များ

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 48:21

Ago Jakop lɛ̈k Jothep an, “Yakï thouwë, Nhialic abï tɔ̈u ke yïn. Ku abï yï puɔ̈k nɔm piny ë kuarkun.

1 Lëk 16:35

Lɛ̈kkï yen an, “Kony wook, Nhialic Konyda, ku määt ë wo yiic, ku kony wook në juöör, agoku yïn aa leec, ku lecku rinkuön ɣeriic.

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Jop 42:10

Ëtɛ̈ɛ̈n wën cï Jop lɔ̈ŋ në biäk de määthke kadiäk, go Bɛ̈nydït nyɔk ë gëm yen en kajuëc wär ka wään kɔn tɔ̈u në yen.

Diɛt 107:3

ku puk wenïïm ciëën në wuöt ke juöör yiic, në biäk të lɔ aköl amiäk ku biäk të lɔ aköl athɛ̈i, ku biäk të lɔ rut ku biäk të lɔ wöuwic.

Diɛt 147:2

Bɛ̈nydït acï wo bɛ gäm Jeruthalem, abïï kɔckɛn wään cï peec ciëën.

Yith 27:12

Në ë köölë, gɔl në wɛ̈ɛ̈r ë Yuparat ɣeet në aken ë Rip, Bɛ̈nydït abï kɔcke määtiic ëtök ëtök, cït man ye raan rap pɔ̈c bei në ayiɛlic.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 12:14

Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Dhiëëu 3:22

Nhiëër agɔk de Bɛ̈nydït acie kɔ̈ɔ̈c, ku kokdepiɔ̈ndu aŋoot ke tɔ̈u.

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Edhekiɛl 11:17

“Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Maika 7:19

Yïn bï piɔ̈u bɛ kok we wook, ku dum awɛ̈ɛ̈ckuɔ yiic në yïcök, ku dɛɛnyë ke ë wɛ̈ɛ̈ric në lilic ya.

Dhek 10:9

Na cakaa nɔn cän ke thiäi ë juööriic, abïk Yɛn tak ke ke mec ëtɛ̈ɛ̈n. Abïk pïïr në mïthken ëtök, ku abïk kenïïm bɛ puɔ̈k wunden kedhie.

Romai 11:23

Ku keek ayadäŋ, të cïï kek ee cool ë reec gäm, ka bï ke tuɛɛl thïn abïk cil, Nhialic acath ke riɛl bï en ke bɛ tuɛɛl thïn abïk cil.

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Romai 11:31

Yen aacïï kek e gam aya, ke ke bï kokdepiɔ̈u yök në kokdepiɔ̈u cäk yök week.

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.