Nyöŋ 30:20 - JAM DE NHIALIC 2011

²⁰ Nhiaarkï Bɛ̈nydït Nhialicdun. Yak riëëu ku yak röt tɔ ë adööt ku ëtɛ̈ɛ̈n week në mïthkun wek bï cieŋ apiɛth ee pinyë, piny cï thɔ̈n kuarkun yï Abraɣam ku Yithaak ku Jakop.

Nyöŋ 30:20 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 30:5

Agönhde ee guɔ thök ëthiäu, ku piathëpiɔ̈nde ee tɔ̈u në pïïric ëbɛ̈n. Dhiëëu aduëër rɔt cuuth ë wɛ̈ɛ̈ric ëbɛ̈n, ku miɛtëpiɔ̈u ee bɛ̈n adurduur.

Diɛt 36:9

Ee yïn ee wook gäm awaŋ de pïïr, ku ɣɛɛrdu ee wook tɔ mit piɔ̈ɔ̈th në pïïric.

Diɛt 37:3

Ye Bɛ̈nydït ŋɔ̈ɔ̈th ku loi këpiɛth, ceŋ ee pinyë në pialëguöp.

Diɛt 66:9

Acï wook mɔ̈k në kɔc pïïr yiic, ku akën wook tɔ wiɛ̈ɛ̈k.

Lebai 18:5

Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 17:25

Ku acie kony ë kɔc cin, cït nɔn dɛk en ë käŋ, ee yen ee kɔc miɔɔc kedhie në pïïr, ku wëi, ku käŋ kedhie.

Luɔi 17:28

yen a pïïr wok, ‘ku yok cath, ku yok nu në yen,’ Acït man ë kë cïï ciëëkkuön kɔ̈k lueel, an, ‘Wok ee mïthkɛn cï dhiëëth ayadäŋ.’

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 11:22

Riëëukï lööŋ cä gäm week kedhie në piɔ̈n adöt, nhiaarkï Bɛ̈nydït Nhialicdun, luɔikï këriëëcdun cï lueel ëbɛ̈n, ku yak röt tɔ ye adööt tëde Yen.

Nyöŋ 11:9

Ku wek bï rëër ë run juëc piny ee wat ë ca ku miök ë kiëc, piny cïï Bɛ̈nydït than an bïï gäm kuarkun ku mïth ke mïthken.

Nyöŋ 12:10

Të la wek wɛ̈ɛ̈r de Jordan teem Bɛ̈nydït abï week tɔ nöm piny ku rɛ̈ɛ̈rkï ëtɛ̈ɛ̈n. Abï week kony në kɔc ke aterdun tɔ̈u ë welɔ̈m. Ku abï we gäm mät.

Nyöŋ 30:16

Ku wek yɔ̈ɔ̈k keek ëköölë, bäk Bɛ̈nydït Nhialicdun aa nhiaar, ku bäk cath në yecök, ku bäk lööŋke döt, ku wëlke ku jiɛɛmke, ku ëtɛ̈ɛ̈n wek bï jɔ pïïr ku ŋuakkï wenyïïn, ku Bɛ̈nydït Nhialicdun abï week thieei në pinyduön lak nööm bï aa këdun ë yic.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 31:1

Go Mothe lɔ ë wut këc ku jiɛɛm ke kɔc ke Yithriɛl.

Nyöŋ 32:47

Kek ee wëëtë acïkï ee jam ɣɔ̈ric, kek aye pïïrdun. Riëëukï keek, ku wek bï ceŋ arëët në piny la wek thïn ë Jordan lɔŋtui.”

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:4

ku wek kɔc adööt ee jam de Bɛ̈nydït Nhialicdun gam, wek ŋoot ke we pïïr aɣët cï ëköölë.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

Jocua 23:11

Ka week, kiɛmkï wenïïm piny, ku nhiaarkï Bɛ̈nydït Nhialicdun.

Jocua 23:8

Bɛ̈nydït Nhialicdun yen kuanykï cök anandun, cït man ya wek en kuany cök ë caaŋdun agut cï ënɔɔnë.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.