Nyöŋ 30:19 - JAM DE NHIALIC 2011

¹⁹ Ë köölë yɛn cɔl nhial kekë piny bïk këduön bäk tïŋ ënɔɔnë wok ta ke löc në kaam de pïïr kekë thuɔɔu. Ku në kaam de athiɛɛi ku aciɛɛn de Nhialic, ku week lackï pïïr.

Nyöŋ 30:19 ပူးပေါင်းရင်းမြစ်များ

Cäk 2:17

Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Diɛt 119:111

Lööŋku ayek kake pïïrdï aɣet athɛɛr, kek aye miɛtëpiɔ̈ndï.

Diɛt 119:173

Ye rɔt guiir ë ceŋ bä yɛn aa kony, në biäk kuany yɛn lööŋku cök.

Diɛt 119:30

Ee kueer de piɔ̈n adöt yen acä lɔc, ku yɛn cï luɔi bïï ë lööŋku muk tïŋ.

Kɛ̈ŋ 1:29

Në baŋ cä wek ŋïnydekäŋ rɛɛc, ku rɛɛckï Bɛ̈nydït riëëu.

Kɛ̈ŋ 12:28

Piathëpiɔ̈u ee kueer de yic pïïr, ku luɔi de awäc ee kueer de yic thuɔɔu.

Kɛ̈ŋ 8:36

Raan ëbɛ̈n raan kën ɛn kɔɔr abï rɔt yiëk buɔ̈t yetök, raan man ɛn, ka ee thuɔɔu yen ë nhiɛɛr.”

Kɛ̈ŋ 9:11

Të le yïn kueerdï kuanyic, ke yïn bï pïïr në run juëc.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 56:4

Aye Bɛ̈nydït lɛ̈k rooc an, “Të yak wek ɛn riëëu, në dön aa wek kööl de Thabath döt, ku yak kë bï ya miët piɔ̈u looi, ku yak mändï muk në piɔ̈n adöt,

Jeremia 21:8

Go Bɛ̈nydït lɛ̈k yɛn bä lɛ̈kë kɔckë an, “Acïï Bɛ̈nydït lueel an, Wek cä gäm kueer de pïïr ku kueer de thuɔɔu.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Jeremia 42:21

Ku ënɔɔnë we cä lɛ̈k, ku wek kën këriëëc cï Bɛ̈nydït Nhialicda ya tuööc bä lɛ̈k week riëëu.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Luk 10:42

ee tök tei en dak. Ku Meri acï baŋ piɛth lɔc, baŋ cïï bï nyaai tëde yen.”

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Nyöŋ 11:26

Ee köölë wek gäm keek kë bäk lɔc, në kaam de athiɛɛi kekë aciɛɛn,

Nyöŋ 30:1

Na wën ke lueel Mothe an, “Ënɔɔnë wek bï jɔ lɔc në kaam de athiɛɛi kekë aciɛɛn. Të cï kakë kedhie jɔ tuöl tëde week ku wek cï jɔ rɛ̈ɛ̈r ë juööriic. Të cïï Bɛ̈nydït Nhialicdun week thiäi thïn, wek bï lööŋ wään cä gäm week jɔ tak.

Nyöŋ 30:15

Në ëköölë wek bä tɔ löc, në kaam de këpiɛth kekë kërac, ku në kaam de pïïr kekë thuɔɔu.

Nyöŋ 30:16

Ku wek yɔ̈ɔ̈k keek ëköölë, bäk Bɛ̈nydït Nhialicdun aa nhiaar, ku bäk cath në yecök, ku bäk lööŋke döt, ku wëlke ku jiɛɛmke, ku ëtɛ̈ɛ̈n wek bï jɔ pïïr ku ŋuakkï wenyïïn, ku Bɛ̈nydït Nhialicdun abï week thieei në pinyduön lak nööm bï aa këdun ë yic.

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Nyöŋ 31:28

Kuötkï röördït ke dhiëënkun ku bänykun kedhie në yanɔm aguɔ ee wëlkë bɛ̈n lueel ke ke piŋ. Ku caal paannhial kekë piny bïk aa cäätɔ në këden.

Nyöŋ 32:1

Yïn piny wekë paannhial, piɛŋkï wëëtdï, piɛŋkï këdiën luɛɛl apiɛth.

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

1 Tim 5:21

Yïn yɔ̈ɔ̈k ë Nhialic nɔm, ku Bɛ̈nydan Yecu Kërtho nɔm, ku tuucnhial ɣer yiic cï lɔc nïïm an, Ye kakë döt apiɛth, ku du ŋɛk ee nhiaar ku man ŋɛk, ku du këdäŋ ee looi ke yï kuany kɔc yiic.