Nyöŋ 3:24 - JAM DE NHIALIC 2011

²⁴ ‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 3:24 ပူးပေါင်းရင်းမြစ်များ

2 Tham 7:22

Yïn adït, Bɛ̈nydït Nhialic! Acïn raan däŋ cït yïn, kë ŋicku wodhie, acïn Nhialic däŋ ee yïn yïtök!

2 Lëk 6:14

Ku lɛ̈ŋ an, “Bɛ̈nydït Nhialic de Yithriɛl, acïn Nhialic däŋ cït Yïn paannhial ku piny. Yïn ee löŋduön cï mac we kɔcku muk ku ye keek nyuöth nhiëërduön agɔk të cï kek Yï riëëu në kepiɔ̈ɔ̈th ëbɛ̈n.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 106:2

Eeŋa duëër kadït cï ke looi lueel? Eeŋa duëër ye ŋiëc lɛc nɔm arëët?

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 145:6

Kɔc abïk aa jam ë biäk de kadït cï looi, ku abïk dïtdu luɛɛl.

Diɛt 150:2

Lɛckï në biäk de ka dït cï ke looi. Lɛckï dïtdɛn wär käŋ ëbɛ̈n.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Diɛt 86:8

Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Kuɛ̈n 23:23

Acïn athuɛ̈ɛ̈th, ku cïn kë bï caar, duëër kɔc ke Yithriɛl lëu. Acïn kɔc bï jam në biäk de Yithriɛl, an, ‘tïŋ kë cïï Nhialic looi!’

Nyöŋ 11:2

Takï wenïïm ee köölë në kë cäk ŋic në biäk le Bɛ̈nydït në kueer ë kë cäk yök tëde Yen. Ee wek ë yök ee kakë, acie mïthkun. Wek cï dït de Nhialic tïŋ, ku riɛlde ku riɛdïïtde,

Nyöŋ 3:23

“Ku ëtɛ̈ɛ̈n yɛn cï Bɛ̈nydït bɛ̈n lɔ̈ŋ aläl luɛɛl an,

Nyöŋ 32:3

Yɛn bï rin ke Bɛ̈nydït aa cɔɔl, pianykï luɔidït ë Nhialicda.