Nyöŋ 3:20 - JAM DE NHIALIC 2011

²⁰ Agut kööl bï Bɛ̈nydït mïthëkɔckun tɔ lɔ̈ŋ, cït man cä wek lɔ̈ŋ. Ku keek aya acïk piny cï Bɛ̈nydït Nhialicdun gäm keek nööm në Jordan nɔm lɔŋtui, ëtɛ̈ɛ̈n ŋɛk ë we yiic abïï jɔ lɔ ciëën piny wään cä gäm week.’

Nyöŋ 3:20 ပူးပေါင်းရင်းမြစ်များ

Kuɛ̈n 32:18

Wok cïï röt bï kɔn dak në wuötkuɔ yiic, agut të bï kɔc ke Yithriɛl kɔ̈k kedhie pinydɛn cï gäm keek nööm.

Kuɛ̈n 32:22

Ku Nämkï piny, ku ëtɛ̈ɛ̈n wek duëër röt jɔ puk në biäk cä wek këduön wään cäk mac an bäk luöi Bɛ̈nydït kekë kɔckuön ke Yithriɛl thöl në luɔi. Ku ëtɛ̈ɛ̈n abï Bɛ̈nydït jɔ ŋic nɔn ye wɛ̈ɛ̈r de Jordan lɔŋ të lɔ aköl amiäk këduön.

Nyöŋ 12:9

në biäk kën wek ɣet piny bï Bɛ̈nydït Nhialicdun gäm week, të bä wek lɔ rëër thïn në mät.

Nyöŋ 3:21

“Ku ëtɛ̈ɛ̈n yɛn cï Jocua yɔ̈ɔ̈k: an, ‘Acï tïŋ tei në yïnyin, kek ka cïï Bɛ̈nydït Nhialicdun luöi meliikë kaarou, Thiɣon ku Og, ku Bɛ̈nydït abï ka cït ee kakë luöi raan la wek pinyde lɔ peec ayadäŋ.

Jocua 1:15

Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 22:2

Ku lëk keek an, “Wek cï këriëëc looi ëbɛ̈n, këriëëc wään cïï Mothe awun de Bɛ̈nydït lɛ̈k week. Ku wek cï lööŋkï döt aya.

Jocua 22:4

Ɣɔn Bɛ̈nydït Nhialicdun acï Yithriɛl thɔ̈n mät. Ku ënɔɔnë, acï gäm keek. Ka week jakï röt puɔ̈k tëduön wään cï Mothe awun de Bɛ̈nydït gäm week ke ye tëdun në lɔŋ de wɛ̈ɛ̈r de Jordan kɔ̈u të lɔ aköl amiäk.

Jocua 22:8

Ku lëk keek an, “Puɔ̈kkï wenïïm në wuötkuniic ke we cï bäny. Wek cï dɛ ɣɔ̈k juëc arëët, ku dɛkï ateek, ku maläŋ, ku adhääp, ku wëëth, ku lupɔɔ läk juëc arëët. Lak tɛ̈kkï röt këriëëc cäk peec tëde kɔc de ater në week.

Jocua 22:9

Ago dhiën ë Ruben, ku dhiën ë Gad, ku biäk de dhiën ë Manatha, jäl ë Cilo piny ë Kanaan, lekkï Giliyad pinyden ku nyiëëŋkï Yithriɛl ëtɛ̈ɛ̈n. Giliyad yen aaye piny de nɔmden, piny ɣɔn gëmë Mothe keek cït man cïï Bɛ̈nydït ye lɛ̈k en.