Nyöŋ 29:29 - JAM DE NHIALIC 2011

²⁹ “Ade ka kɔ̈k cïï Bɛ̈nydït Nhialicda keek tɔ ee kacïmoony, ku Bɛ̈nydït acï löŋde nyuɔɔth, ku wook në mïth ke mïthkuɔ abuk dhil riëëu aɣet athɛɛr.

Nyöŋ 29:29 ပူးပေါင်းရင်းမြစ်များ

Cäk 41:16

Go Jothep puk nɔm an, “Acä duëër lëu yɛn në wër ë yic, ee Nhialic Yen abï melik gäm wër ë yic bï yï miët piɔ̈u.”

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Kɛ̈ŋ 25:2

Ee dhuëëŋ de Nhialic luɔi Yen käŋ thiaaniic, ku ee dhuëëŋ de bɛ̈ny luɔi yen ka cïï kɔc thiaan yökiic.

Kɛ̈ŋ 3:32

në luɔi mɛɛn ë Bɛ̈nydït kɔc ee karɛc looi, ku ade aŋäth kekë kɔc piɛthpiɔ̈ɔ̈th.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Jeremia 23:18

Guɔ lueel an, “Acïn tiët tök ë tïtkë yiic cï kɔ̈ɔ̈c ë löŋ de Bɛ̈nydït yic. Acïn raan töŋ ë keyiic cï jamde kɔn piŋ ku yökic, ku acï kë cï lueel cïk kɔn piŋ ku nɔn rïïukï.

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Danyel 4:9

Beltecadhar, bɛ̈ny de kɔc ee cɔ̈ɔ̈r, aŋiɛc nɔn tɔ̈u ë wëi ke Nhialic ɣeric atɔ̈u ë yïguöp ku yïn ee kacïmoonyë yökiic ëbɛ̈n. Kënë në yïn, ku yïn ee kacïmoonyë ëbɛ̈n yökiic. Kënë ee nyuöthdï. lɛ̈kë yɛn kë lueel.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Math 13:35

luɔi bï jam aa yic, jam cï lueel ë tiët an, “Yɛn bï käŋ lueel ka cï moony të ɣɔn ciɛkë piny.”

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 21:22

Go Yecu lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn? Yïn, kuany a cök!”

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Luɔi 1:7

Go keek yɔ̈ɔ̈k an, “Ŋïny bä wek akööl ŋic ayï run, akööl ku run cïï Nhialic tääu ë yecin etök, acie këdun.

Luɔi 17:11

Ku kɔckë ee kɔc cï ŋiëc dhiëëth awärkï Judai nu Thethalonike, agokï jam dap piŋ në piɔ̈nmit, ku jɔkï kacïgɔ̈ɔ̈r aa woi yiic ë aköölnyïïn kedhie, ke bïk ŋic nɔn tɔ̈uwë käŋ aya.

1 Kor 2:16

Cït man cï këcïgɔ̈ɔ̈r ye lueel an, “Ku eeŋa ë ŋic piɔ̈n ë Bɛ̈nydït? Eeŋa bï en Wɛ̈ɛ̈t?” Ku wok ee cath në piɔ̈n de Kërtho.

Nyöŋ 30:2

Na lak röt lɔ pɔ̈k Bɛ̈nydït, ke week në mïthkun wedhie, ku riëëukï lööŋ ke Bɛ̈nydït në piɔ̈ɔ̈thkun ëbɛ̈n, lööŋ gäm ke week ee köölë

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 3:16

Këcïgɔ̈ɔ̈r ëbɛ̈n ee kë cï Nhialic tɔ bɔ̈ në Wëike, ku ade naamde në këde wëët, ku jäny, ku kïït ee käŋ kiɛt piny, ku piööc në piathëpiɔ̈u: