Nyöŋ 29:28 - JAM DE NHIALIC 2011

²⁸ Go Bɛ̈nydït gɔ̈th aläldïïtë, ku në agönhdɛndït, acï kek bɛ̈n cuän bei pinyden ku cuɛt keek piny lei, ku yen të rëër kek ka e köölë.

Nyöŋ 29:28 ပူးပေါင်းရင်းမြစ်များ

1 Mel 14:15

Bɛ̈nydït abï Yithriɛl luööi këtuc, ka abï ke lath cï apäth nu ë nyinic. Abï kɔc ke Yithriɛl nyuän thäär bei piny piɛth cï gäm kuarken, ku thëi ke piny në wɛ̈ɛ̈r ë Yuparat kɔ̈ɔ̈th ya, në kë cï kek Bɛ̈nydït tɔ göth, në biäk cï kek röt luöi yanh cɔl Acera.

2 Mel 17:18

Bɛ̈nydït aa göth ke Yithriɛl, go ke nyaai në Yelɔ̈ɔ̈m, alee döŋ ke ye ciɛɛŋ de Juda yetök.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Diɛt 52:5

E yic Nhialic abï yïn riɔ̈ɔ̈k aɣet athɛɛr, abï yïn dɔm ku gɔp yïn yic paandu, abï yïn nyaai piny de kɔc pïïr.

Diɛt 78:2

Yɛn bï jam ë kääŋ de pɛlënɔm, ku waar ka cï thiaan ɣɔn thɛɛr yiic,

Kɛ̈ŋ 2:22

Ku Nhialic abï kɔc ee karɛc looi gap wei në pinyic, ku thël kɔc ee wööc bei thïn cït man ë rɔk.

Kɛ̈ŋ 25:2

Ee dhuëëŋ de Nhialic luɔi Yen käŋ thiaaniic, ku ee dhuëëŋ de bɛ̈ny luɔi yen ka cïï kɔc thiaan yökiic.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Edhekiɛl 19:12

Ku jɔ ë ciin göth nyuän thar bei ayï mei ku cuɛt piny. Go yom de aköl amiäk mïthke tɔ ril wei. Go kërke dhuɔɔŋ, agokï riɛl ku cuɛtë mɛɛc bïk dëp.

Edhekiɛl 19:13

Ënɔɔnë acï com në jɔ̈ɔ̈ric, të ril ku cïn yic pïïu.

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 30:1

Na wën ke lueel Mothe an, “Ënɔɔnë wek bï jɔ lɔc në kaam de athiɛɛi kekë aciɛɛn. Të cï kakë kedhie jɔ tuöl tëde week ku wek cï jɔ rɛ̈ɛ̈r ë juööriic. Të cïï Bɛ̈nydït Nhialicdun week thiäi thïn, wek bï lööŋ wään cä gäm week jɔ tak.

Nyöŋ 32:34

“Ku Bɛ̈nydït ee kë ye kɔc ke aterde looi tak, ee akööl lɔgɔk tiit në biäk bï en keek kuum.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.

Nyöŋ 6:24

Go Bɛ̈nydït Nhialicda wo yɔ̈ɔ̈k, an, buk lööŋke riëëu kedhie, ku buk aa riɔ̈ɔ̈c në yen. Na lok looi, ke abï paanda aa tiit akööl nyïïn, ku abï wook tɔ kueth.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.