Nyöŋ 29:27 - JAM DE NHIALIC 2011

²⁷ Ka Bɛ̈nydït acï jɔ gɔ̈th kekë kɔcke, ku yïn pinyden, ee riääkkë ëbɛ̈n, riääk cï gɔ̈ɔ̈r në awerekë yic.

Nyöŋ 29:27 ပူးပေါင်းရင်းမြစ်များ

1 Mel 14:15

Bɛ̈nydït abï Yithriɛl luööi këtuc, ka abï ke lath cï apäth nu ë nyinic. Abï kɔc ke Yithriɛl nyuän thäär bei piny piɛth cï gäm kuarken, ku thëi ke piny në wɛ̈ɛ̈r ë Yuparat kɔ̈ɔ̈th ya, në kë cï kek Bɛ̈nydït tɔ göth, në biäk cï kek röt luöi yanh cɔl Acera.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 22:16

An acï Bɛ̈nydït lueel an, “Tïŋ Yɛn bï kërac bɛ̈ɛ̈i ee tënë, Yɛn bï Jeruthalem kekë kɔckɛn ceŋ en luöi këtuc cït man ë jam cï gɔ̈ɔ̈r në awerekic, ku cï melik de Juda kueen.

2 Mel 24:20

Go Bɛ̈nydït gɔ̈th arëët kekë kɔc ke Jeruthalem ku Juda, ago keek jäp wei në Yelɔ̈ɔ̈m. Go Dhedekia melik de Babilon rɛɛc.

2 Mel 25:21

Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

Diɛt 85:5

Bä piɔ̈u aa diu we wook aɣet athɛɛr? Cï agönhdu bï bɛ kɔ̈ɔ̈c?

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Nyöŋ 29:26

Acïk yiëth kɔ̈k luööi, yiëth kënkï keek kɔn lam, yiëth cïï Bɛ̈nydït pɛ̈n keek an cïkï keek bï aa lam.

Nyöŋ 30:1

Na wën ke lueel Mothe an, “Ënɔɔnë wek bï jɔ lɔc në kaam de athiɛɛi kekë aciɛɛn. Të cï kakë kedhie jɔ tuöl tëde week ku wek cï jɔ rɛ̈ɛ̈r ë juööriic. Të cïï Bɛ̈nydït Nhialicdun week thiäi thïn, wek bï lööŋ wään cä gäm week jɔ tak.