Nyöŋ 29:25 - JAM DE NHIALIC 2011

²⁵ Ku abïï aa bɛ̈ɛ̈r alëyɔ̈ɔ̈, an, “Ee biäk cïï kɔc ke Bɛ̈nydït löŋ cïk mac në Yen dhoŋ kɔ̈u, Nhialic de kuarken, wään bïï Yen keek bei ë Rip.

Nyöŋ 29:25 ပူးပေါင်းရင်းမြစ်များ

1 Mel 9:8

Ku Luaŋdït abï tɔ̈u piny ke ye kuut cï riääk, ku raan ee tëëk eenë ëbɛ̈n abï gäi, ku riëëk piɔ̈u an, ‘Eeŋö luiyë Bɛ̈nydït ee kënë pinyë, ayï Luaŋdïïtë?’

1 Mel 9:9

Ku abïï kɔc aa bɛ̈ɛ̈r, an, ‘Ee luɔi cï kek Bɛ̈nydït Nhialicden pɔ̈l, Nhialic ɣɔn bïï kuarken bei ë Rip, ku nömkï yiëth kɔ̈k, ku lamkï ke. Yeka cïï Bɛ̈nydït keek yiɛ̈n riääk.’”

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

2 Mel 17:9

Kɔc ke Yithriɛl acïk kërac luöi Bɛ̈nydït Nhialicden në cuëër, ka cïï piɛth. Acïk röt yiëk ɣään thöny ke läm ë yiëth, në wuöt dït yiic ëbɛ̈n ayï wuöt kor.

2 Mel 22:17

Acïk A rɛɛc ku gëmkï miɔ̈c de wal ŋïr yiëth kɔ̈k, kënë acï agönhdï jat nhial në biäk de këriëëc cïk looi ëbɛ̈n në kecin. Në biäk de ee kënë agönhdï abï dëp ee tënë, ku acïï bï liu.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Diɛt 106:36

Kɔc ke Nhialic acïk yiëth lam, ku acï keek thɛ̈l riääk.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 65:11

“Ku abï wöc ke week, wek kɔc cï ya pɔ̈l, kɔc ee Dhiɔn biɔɔn, kuurdiën ɣeric. Ku lamkï Gad ku Meni, yiëth ke miɛtëguöp ku thök de pïïr ë raan.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 22:8

“Ku juöör ee tëëk ëtɛ̈ɛ̈n abïk röt aa luɔp kapäc an eeŋö looi ë Bɛ̈nydït kë cï ee kënë pänydïïtë.

Jeremia 22:9

Ku abïk aa bɛ̈ɛ̈r an ee luɔi kën wek löŋ cäk mac në Yɛn rɛɛc, Yɛn Nhialicdun, ku lamkï yiëth kɔ̈k ku luööikï keek.”

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Jeremia 50:7

Aye keek mak në kak ee keek yök ëbɛ̈n. Aye kɔc ke aterden lueel an, ‘Acïk awäc luöi Bɛ̈nydïïtden, ka Yen acïn awäny cuk looi. Kuarken aake ye Bɛ̈nydït ŋɔ̈ɔ̈th, ku keek adï cïk ŋoot ke ke ye adööt tëde Yen.’

Nyöŋ 29:26

Acïk yiëth kɔ̈k luööi, yiëth kënkï keek kɔn lam, yiëth cïï Bɛ̈nydït pɛ̈n keek an cïkï keek bï aa lam.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!