Nyöŋ 29:23 - JAM DE NHIALIC 2011

²³ Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Nyöŋ 29:23 ပူးပေါင်းရင်းမြစ်များ

Cäk 14:2

cï gɔ̈m në meliik kɔ̈k kadhïc, yï Bira melik de Thɔdom, kekë Birca melik de Gomoora, ku Cinap melik de Adma, ku Cemeber melik de Dheboyim, ku melik de Bila (yen aye Dhowar).

1 Mel 9:8

Ku Luaŋdït abï tɔ̈u piny ke ye kuut cï riääk, ku raan ee tëëk eenë ëbɛ̈n abï gäi, ku riëëk piɔ̈u an, ‘Eeŋö luiyë Bɛ̈nydït ee kënë pinyë, ayï Luaŋdïïtë?’

1 Mel 9:9

Ku abïï kɔc aa bɛ̈ɛ̈r, an, ‘Ee luɔi cï kek Bɛ̈nydït Nhialicden pɔ̈l, Nhialic ɣɔn bïï kuarken bei ë Rip, ku nömkï yiëth kɔ̈k, ku lamkï ke. Yeka cïï Bɛ̈nydït keek yiɛ̈n riääk.’”

2 Mel 22:13

“Lakkï, ku thiëckï Bɛ̈nydït në biäkdï, ku biäk de kɔc, ku në biäk de kɔc ke Judai ëbɛ̈n, ku në biäk de jam de awerek de löŋ cï yökë, në biäk dïït agönh ë Bɛ̈nydït nu ë wo yiëth, në luɔi kënë ë kuarkuɔ jam de awerekë döt, ku luikï në kë cï gɔ̈ɔ̈r ëbɛ̈n në biäkda.”

Jop 18:15

Ɣönde alöökë löökic në kɔc kɔ̈k, ke cï kɔn toolic në mac.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Yith 34:9

Kiɛɛr ke Edom abïk röt puk ke ke ye anyam col, ku piny abï dëp ë many de thulpur. Ku baai ëbɛ̈n abï dëp cït anyam col.

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Jeremia 17:6

Acïtkï bun nu ë jɔ̈ɔ̈ric, ee cil ë jɔ̈ɔ̈ric tëril, ee cil piny de awai cïn kën ee cil thïn. Acïn këpiɛth duëër kɔn tuöl tëde keek.

Jeremia 20:16

Tɔ cït ee pɛ̈ɛ̈nydïtkë, pɛ̈ɛ̈nydït cïï Bɛ̈nydït ke riɔ̈ɔ̈k ke cïn kokëpiɔ̈u. Tɔ piŋ dhiën de arɛɛm ë dhiëëuwic, ku piŋ kaaŋ de tɔŋ aköl,

Jeremia 49:18

Yen ee kë bï tuöl tëde Edomë abï ciët kë wään bï tuöl tëde Thɔdom ku Gomoora, wään cïï ë keek riɔ̈ɔ̈k ku riäk wuöt thiääk në keek. Acïn raan bï bɛ ceŋ ëtɛ̈ɛ̈n. Acä lueel Yɛn Bɛ̈nydït.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Edhekiɛl 47:11

Ku pïïu tɔ̈u në pɔ̈liic ku awuul tɔ̈u ë wɛ̈ɛ̈r yɔu, acïï keek bïï tɔ piɛth. Abïk tɔ̈u ëtɛ̈ɛ̈n ke ke bïï amilɔ aa yök thïn.

Lebai 26:32

Yɛn bï pinydun riɔ̈ɔ̈k liŋliŋ, ka kɔc dɛ wek ater rɛ̈ɛ̈r ëtɛ̈ɛ̈n abïk gäi aläl në riääk cït ee kënë.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Luk 17:29

Ku kööl ë jiël Lɔt ë Thɔdom, kööl manë guöp, ke mac löny nhial kekë thulpur, bï ku nɛ̈k keek kedhie.

Romai 9:29

Ku acït man cïï Yithaya ye kɔn lueel an, “Tëë Bɛ̈nydïït de Rɛm ë kën wo nyäŋ käu, adï cuk ciët Thɔdom, ku adï cï wo tɔ cït Gomoora.”

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Bäny 9:45

Go tɔŋ rɔt cuuth në ee köölë yic ëbɛ̈n. Ago Abimelek wut peec, ku nɛ̈k kɔcke, ku jɔ wut riɔ̈ɔ̈k ku weer amilɔ në yeyic.