Nyöŋ 29:21 - JAM DE NHIALIC 2011

²¹ Abïï Bɛ̈nydït ye tɔ ee kë ye kääŋ yup në dhiëën ke Yithriɛl kedhie, ku abï riääk bɛ̈ɛ̈i në yeguöp, riääk de acien cï keek gɔ̈ɔ̈r kedhie në löŋ cï mac yic, löŋ cï gɔ̈ɔ̈r në awerek de wɛ̈ɛ̈t ë Bɛ̈nydïtic.

Nyöŋ 29:21 ပူးပေါင်းရင်းမြစ်များ

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Edhekiɛl 13:9

Wek bä luöi këtuc ee nïnkë yiic, wek tït ee nyuuth ë lueth, ku yak cɔ̈ɔ̈r në tör. Wek cïï bï tɔ̈u në amat de löŋ ë kɔckï yiic, ku rinkun acïï ke bï mat në kuën de baai de Yithriɛl yic, wek cïï röt bï puɔ̈k piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Math 24:51

ago nyaai ë käŋ yiic, ku tɔ yök këdɛn tuc kekë kɔc de yäc aguk ëtök, dhiëëu abï nu ëtɛ̈ɛ̈n kekë ŋëny de lec.

Math 25:32

go juöör kut nïïm kedhie ë yenɔm, go ke pɔ̈ɔ̈c, jurë ku jurë, cït man ë tïn ë thök tiit ee amɛ̈l poc ë bɔɔth yiic.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Nyöŋ 28:59

abï week ku mïth ke mïthkun tuöc jɔɔk cie waar ku jɔɔk tuc thook ee kɔc thöl, jɔɔk cïï duëër kɔ̈ɔ̈c taitai.

Nyöŋ 28:61

Ku Yen aya abï jɔɔk kithiic ee kɔc thöl ëbɛ̈n tuööc, jɔɔk kën ë ke lueel në awerekë yic awerek de lööŋ ku wɛ̈ɛ̈t de Nhialic, ku wek bïï riɔ̈ɔ̈c.

Nyöŋ 30:10

Na lak Bɛ̈nydït Nhialicdun riëëu, ku lak lööŋke ku wëlke döt, lööŋ cï keek gɔ̈ɔ̈r në awerek de löŋic, ku pɔ̈kkï röt Bɛ̈nydït Nhialicdun në piɔ̈ɔ̈thkun ëbɛ̈n ku në wëikun ëbɛ̈n.

Nyöŋ 32:23

“Abä keek yiɛ̈n riääk cïn pëk, ku mɔ̈ɔ̈c keek në weet ke dhaŋdï kedhie.