Nyöŋ 29:20 - JAM DE NHIALIC 2011

²⁰ Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 29:20 ပူးပေါင်းရင်းမြစ်များ

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

2 Mel 14:27

Ku akën ë Bɛ̈nydït lueel nɔn bï Yen rin ke Yithriɛl cuöth bei në piny nɔm, go ke luäk bei në kueer de melik Jerobowam de Rou wën de Jowac.

Diɛt 18:8

Ago tol lɔ nhial në yewum, ku atiam de many dɛ̈p ë yethok ku bɔ̈ many ee biɔ̈l bei në yeguöp.

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Diɛt 74:1

Nhialic, eeŋö nyiëëŋ Yïn wo piny aya? Bä ya gɔ̈th wekë kɔcku aɣet athɛɛr?

Diɛt 78:50

Yen akën agönhde dɔ̈m kɔ̈ɔ̈c, ayï wëiken akën ke both, acï keek bɛ̈n nɔ̈k në agɔ̈th.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Diɛt 80:4

Agut cï nɛn Bɛ̈nydït Nhialic Awärjäŋ, yen bïï Yïn gɔ̈th wekë lɔ̈ŋ de kɔcku?

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 34:14

“Duökï de yanh däŋ lamkï pei, në luɔi Ye Bɛ̈nydït Nhialic mantil.

Kɛ̈ŋ 2:22

Ku Nhialic abï kɔc ee karɛc looi gap wei në pinyic, ku thël kɔc ee wööc bei thïn cït man ë rɔk.

Kɛ̈ŋ 6:34

Tiɛɛl ee mony ë tik tɔ diu piɔ̈u arëët, na le guur ke guurde atuc thok arëët.

Diɛt ke 8:6

Thiök yïnɔm në duet ëbɛ̈n, ku nhiaar ɛn yatök, du raandäŋ ee dɔm ciin, dɔm yɛn yatök. Nhiëër aril ë tör cï thuɔɔu, ku täk aril nɔm cït thuɔɔu guöpde. Ee thiɛ̈i piny cï lɔ̈k de mac, ku döm cï many dɛ̈p.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Edhekiɛl 8:5

Go ë Bɛ̈nydït lɛ̈k ɛn an, “Mɛnh ë raan, tïŋ biäk të lɔ rut.” Guɔ ee tɛ̈n tïŋ, aguɔ yanh ee Nhialic tɔ göth tïŋ, ë yïk lɔ̈ɔ̈m në kueer ee lɔ në kal thok.

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Romai 11:21

Ku të kën Nhialic këër thɛɛr ke tim pɔ̈l, ke ye rɔt tiit, ke yï cïï bï pɔ̈l ayadäŋ.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

1 Kor 10:22

Yok Bɛ̈nydït tɔ dɔm tiɛɛl ënɔɔnë? Rilku awärku yen?

Nyöŋ 25:19

Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

Nyöŋ 9:14

Du them luöi bï yïn En jɔ̈ɔ̈ny. Akaar bä keek riɔ̈ɔ̈r nyïïn ë pinynɔm, ago ciën raan bï keek bɛ nyɔk ë täk ananden. Ku yïn bä tɔ ye jur ril aläl awär keek.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.