Nyöŋ 29:13 - JAM DE NHIALIC 2011

¹³ ago Bɛ̈nydït week jɔ gam ke we ye kɔcke ënɔɔnë, ku abï aa Nhialicdun, cït man cï Yen e thön week ku thön kuarkun yï: Abraɣam, ku Yithaak, ku Jakop.

Nyöŋ 29:13 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Jeremia 32:38

Ku abïk aa kɔckï, ku Yɛn bï aa Nhialicden.

Nyöŋ 28:9

“Na lak lööŋ ke Bɛ̈nydït Nhialicdun lɔ döt, ku luɔikï këriëëc cï lɛ̈k week ëbɛ̈n, abï week tɔ ee kɔc ɣeriic ke nɔmde, cït man cï yen e than.

Nyöŋ 29:12

Wek tɔ̈u ee tënë ee köölë, bäk ee löŋ macë looi, löŋ mɛcë ë Bɛ̈nydït Nhialicdun ke week, ku wek bï ka lueel dhil gam,

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.