Nyöŋ 28:9 - JAM DE NHIALIC 2011

⁹ “Na lak lööŋ ke Bɛ̈nydït Nhialicdun lɔ döt, ku luɔikï këriëëc cï lɛ̈k week ëbɛ̈n, abï week tɔ ee kɔc ɣeriic ke nɔmde, cït man cï yen e than.

Nyöŋ 28:9 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Diɛt 87:5

Ku abï lueel në këde Dhiɔn an, “Juöör kedhie aake tɔ̈u ëtɛ̈ɛ̈n” ku acï Bɛ̈nydït Awärjäŋ tɔ ril.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Yith 1:26

Wek bä gäm bäny ku kɔc ee we jääm cït kɔckuön wään tueŋ. Ka Jeruthalem abï bɛ aa cɔɔl an, pänydïït de piathëpiɔ̈u, pänydït adöt.”

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Jeremia 11:5

Ku ëtɛ̈ɛ̈n Yɛn bï gutguut jɔ döt, gutguut cä lɛ̈k kuarken nɔn bän keek gäm piny ee wat ë ca ku miök ë kiëc, piny tɔ̈u tëde keek ënɔɔnë.” Aguɔ lueel an, “Ɣɛɛ, Bɛ̈nydït.”

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

2 Theth 3:3

Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.