Nyöŋ 28:63 - JAM DE NHIALIC 2011

⁶³ Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 28:63 ပူးပေါင်းရင်းမြစ်များ

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Diɛt 119:68

Piathdu adït, yïn dik! Wɛ̈ɛ̈të yɛn në lööŋku.

Kɛ̈ŋ 1:26

Ku në biäk de ee kënë, wek bä jɔ dɔl gup të le kërac we yök. Wek bä bui gup kööl le riääk we lɔ̈ny.

Kɛ̈ŋ 2:22

Ku Nhialic abï kɔc ee karɛc looi gap wei në pinyic, ku thël kɔc ee wööc bei thïn cït man ë rɔk.

Yith 1:24

Ku ënɔɔnë piŋ kë lueel ë Bɛ̈nydït de rɛm, Nhialic Töŋ de Yithriɛl an, “Yɛn bï rɔt guöör në week kɔc ke aterdï, ke we cïï A bï bɛ nuaan.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Jeremia 18:7

Na luɛɛl ë kööl cä tak an yɛn kɔɔr bä jur ku nɔn ee ciɛɛŋ nyaai, ku nɔn dhuɔŋ piny, ku riääk,

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jeremia 45:4

“Ku Yɛn Bɛ̈nydït, Yɛn dhoŋ këdiën cä yïk piny, ku Yɛn wuth këdiën cä com bei. Kënë abä luöi piny nɔm ëbɛ̈n.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Amoth 5:3

Acïï Bɛ̈nydït Awärjäŋ lueel an, “Pänydïït töŋ bï agum de rem ë tɔŋ aa lɛɛr tɔŋ, ee bɔt tök yen bï yenɔm aa lɔ dɔ̈k ciëën. Ku pänydïït däŋ bï bɔt lɛɛr tɔŋ, ku ee thiëër kek bï röt aa lɔ pɔ̈k baai de Yithriɛl.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Nyöŋ 30:9

Ku ëtɛ̈ɛ̈n Bɛ̈nydït Nhialicdun abï week tɔ kueth aläl në luɔi de wecin ku abï week tɔ kɛɛr ayï daau ke ɣɔ̈kkun ayï rɛɛp ke pinydun abïk juëc. Ku Bɛ̈nydït abï piɔ̈u bɛ miɛt kekë week ku tɔ week kueth, cït man wään ee yen piɔ̈u miɛt kekë wärkun.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.

Nyöŋ 7:22

Abï ë juöörkë cuɔp wei ë tueŋlek, të la wek ke we lɔ tueŋ. Acäkkï keek bï lëu në riäär ë nyin raan tök, na lak looi wäkya, läi roor abïk juëc, ku abïk week bɛ riääc.