Nyöŋ 28:51 - JAM DE NHIALIC 2011

⁵¹ Abïk ɣɔ̈kkun cuet ku rɛɛpkun, ku we bï thou në cɔk. Acïn rap töŋ bïk nyäŋ week, ayï mɔ̈u, ayï miök, ayï weŋ, ayï thök, ku we bï thou.

Nyöŋ 28:51 ပူးပေါင်းရင်းမြစ်များ

2 Mel 25:10

Ku rem de tɔŋ de Babilon ë cath në Nebudharadan bɛ̈ny de kɔc ee melik de Babilon tiit kedhie, acïk kal wil pänydït de Jeruthalem dhuɔŋ piny.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Jeremia 15:13

Go ë Bɛ̈nydït lɛ̈k ɛn an, “Yɛn bï kɔc ke ater tuɔɔc bïk wëu ku kajuëc ke kɔckï lɔ jɔt, në baŋ bän ke luöi këtuc në biäk de karɛc cïk looi pinyden ëbɛ̈n.

Jeremia 17:3

ku lɔ kur nu ë riaaŋ nɔm. Yɛn bï kɔc ke aterdun tɔ jɔt kuɛthdun, ku kakun në biäk de karɛc cäk looi pinydun ëbɛ̈n.

Dhiëëu 4:9

Kɔc cï thou ë tɔŋic aŋuänkï, në kɔc ë thou ciëën, kɔc ë thou ë määth ë cɔk ke cïn kuïn tɔ keek pïïr.

Edhekiɛl 12:19

lɛ̈kë jur ëbɛ̈n an kënë ee jam de Bɛ̈nydït Awärjäŋ, jam lëk kɔc ke Jeruthalem ŋoot ke ke rɛ̈ɛ̈r pinyden: Abïï ke lath të ciëm kek, ku lɛthë keek në riɔ̈ɔ̈c të dek kek pïïu. Pinyden abï döŋ ke cïn kë tɔ̈u thïn, në biäk liiu ë löŋ tëde kɔc rɛ̈ɛ̈r thïn.

Edhekiɛl 25:4

Në biäk cä wek piɔ̈ɔ̈th miɛt, yɛn bï dhiën tɔ̈u në jɔ̈ɔ̈ric të lɔ aköl amiäk tɔ pec week. Abïk pɛɛnyken piäät pinydun ku rëërkï ëtɛ̈ɛ̈n. Abïk mïth ke tiimkun cam ku ruëthkï ciɛkun ka duëër aa kakun.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.

Nyöŋ 28:50

Jur bï we luöi ka tuc thook, ku acïn kokdepiɔ̈u bïk nyuöth raan ëbɛ̈n, mɛnh koor ayï raan dït.

Nyöŋ 28:52

Abïk wuöt ëbɛ̈n mak, wuöt nu ë piny gëmë Bɛ̈nydït Nhialicdun weekë, ku kɛ̈ldït bär cï gël, kɛ̈l yak keek ŋɔ̈ɔ̈th abïk wïïk.