Nyöŋ 28:48 - JAM DE NHIALIC 2011

⁴⁸ Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.

Nyöŋ 28:48 ပူးပေါင်းရင်းမြစ်များ

1 Mel 8:33

Të cïï kɔckuön ke Yithriɛl tiaam në kɔc ke aterden, në biäk cïï kek Yï luöi awäc, ku cïk röt pɔ̈k Yïn, ku bïkkï ee Luaŋdïïtë ke ke koor röt piny, ku läŋkï Yïn an, bä ke päl awänyden,

2 Lëk 12:8

ku abïï Cicak keek dhil peec, yen abï kek pëk ŋic në kaam de raan luui kɔc ke pinynɔm, ku raan luui Yɛn.”

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Dhiëëu 1:14

“Acï karɛckï ŋic kedhie ku duut keek ëbɛ̈n tëtök. Ku nɔ̈ɔ̈k keek ë yayeth, aguɔ jɔ kɔ̈c në ɣɔ̈ɔ̈cden. Bɛ̈nydït acï yɛn gäm kɔc ke aterdï, ka yɛn cï nɔm ciën kony ë kenïïm.

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 4:4

Ayek mïthken tɔ thou ë cɔk ku rou. Mïth alipkï kuïn cïn raan bï ye gäm keek.

Edhekiɛl 17:12

“Thiëc kɔc ee löŋ rɛɛcë na duëërkï kë lueel ee kääŋë ŋic. lɛ̈kë keek an meliŋ de Babilonia acï bɛ̈n Jeruthalem, ku jɔt meliŋ kekë bänyke puk kenïïm Babilonia në yen ëtök.

Edhekiɛl 17:3

ke ke bï kë lɛ̈k keek ŋic yɛn Bɛ̈nydït Awärjäŋ, aya lɛ̈k keek: ɣɔn aa de cuɔɔr dïït ë tɔ̈u, ade nɔɔk läk ku wuök dït cï ke thieth ke ke lääuwiic. Acï päär ke lɔ në kur ke Lebanɔn nïïm, ku dhoŋ tim de thidar nɔm,

Edhekiɛl 17:7

“Ade cuɔɔr dïït däŋ de wuök dït ku nɔɔkkɛn dït. Ku enap acï meike wël nïïm en, ku wël yïthke nïïm en aya, ke ŋäth luɔi bïï yen en gäm pïïu juëc wär pïïu wään ee yök dom yiic të wään ciil en.

Edhekiɛl 23:29

Ku në biäk mɛɛn kek week abïk këriëëcduön tɔ̈u ke week jɔt ëbɛ̈n, kakuön ë luɔikï keek, ku yɔtkï wekɔ̈ɔ̈th në lupɔɔ ku nyiëëŋkï we piny ke we abäk ciët diëër akɔɔrröör. Ŋɔ̈ɔ̈ŋdun ku kɔ̈ɔ̈rduön ë röör

Maika 2:3

Ago Bɛ̈nydït lueel an, “Piɛŋkï, wek ee kɔckë, wek luöi keek këtuc, kë cä wek weyiëth bï lëu në luny. Ka wek cïï bï bɛ cath ke we ɣɛ̈ɛ̈c wenïïm, në luɔi bï kek aa kööl rac arëët.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Nyöŋ 32:24

Abïk thou në cɔk ku atuöc, ku abïk thou në jɔɔk tuc thook. Ku abä ke tuöc läi röör bï keek mak, ku karɛc de thook wurïï bï keek kääc.