Nyöŋ 28:45 - JAM DE NHIALIC 2011

⁴⁵ “Kek ee riääkkë kedhie abïk bɛ̈n tëde week, ku abïk tɔ̈u në week agut të bïï ë week riɔ̈ɔ̈k, në biäk kën wek Bɛ̈nydït Nhialicdun riëëu, ku dɔ̈tkï lööŋkɛn cï gäm week kedhie.

Nyöŋ 28:45 ပူးပေါင်းရင်းမြစ်များ

Cäk 19:13

Në luɔi kɔɔr wok nɔn bï wok ee wunë riɔ̈ɔ̈k. Në baŋ cï kiɛɛu de kɔckë dït arëët tëde Bɛ̈nydït. Ka wok aa tooc ë Bɛ̈nydït buk bɛ̈n riɔ̈ɔ̈k.”

2 Mel 17:20

Go Bɛ̈nydït kɔc ke Yithriɛl rɛɛc ëbɛ̈n, go Bɛ̈nydït keek luöi këtuc, në tɛ̈ɛ̈u cï yen keek tääu në kɔc ke ater rac cin, aɣet të bï Yen keek cuɔp wei në Yelɔ̈ɔ̈m.

Diɛt 119:21

Yïn ee kɔc ee röt lɛɛc jɔ̈ɔ̈ny, aciɛɛn abï nu ë kɔc cïï lööŋku ë riëëu yiëth.

Kɛ̈ŋ 13:21

Kɔc ee karɛc looi aye riääk ke cop cök, ku ye athiɛɛi ariöp de kɔc piɛthpiɔ̈ɔ̈th.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Nyöŋ 28:15

“Ku na kɛ̈nkï Bɛ̈nydït Nhialic riëëu, ku kɛ̈nkï lööŋkɛn gäm ke week ee köölë kekë wëëtde döt në piɔ̈n adöt, karɛckë kedhie abïk röt luöi week.

Nyöŋ 28:5

“Bɛ̈nydït abï week thieei në rɛɛp ke anyuɔl ku thieei këcam yak looi në keek.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.