Nyöŋ 28:30 - JAM DE NHIALIC 2011

³⁰ “Wek bï nyan kaarkï aa lɔc, ku abïï ë raan däŋ thiaak. Wek bï ɣööt aa yïk, ku we cïï bï rëër thïn taitai. Wek bï tim de enap com, ku wek cïï mïthke bï cam taitai.

Nyöŋ 28:30 ပူးပေါင်းရင်းမြစ်များ

2 Tham 12:11

Yɛn cï kuëëŋ, Yïn bä yiɛ̈n raan de dhiëndu bï yïn tɔ nuan. Abä tïŋ kööl bän diäärku jɔt ku gäm keek raandäŋ raan wek. Abï diäärku nööm aköl ke yï daai thïn, ku abïï ŋic ë raan ëbɛ̈n.

Jop 20:18

Abï këriëëc cï looi ëbɛ̈n nööm tëde yen, ku abï ciën kajuëc bï yen ke piɔ̈u bɛ miɛt thïn,

Jop 3:18

Ëtɛ̈ɛ̈n kɔc cï mac kedhie, arëërkï në lɔ̈ŋic, ke cïn bɛ̈ny ee ke kuaath ë luɔi yic yek bɛ piŋ röl,

Jop 31:10

ke arɔ̈ŋ duëërë tiiŋdï jɔt le mony däŋ thät, ku le tääc në biök ke röör kɔ̈k nïïm,

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Jeremia 12:13

Kɔckï ayek agamɔ com, ku temkï wal, acïk lui aläl, ku acïn kë yek yök ë luɔi yic. Në biäk de agönhdiën tuc, rɛɛpken akënkï luɔk.”

Jeremia 6:12

Ɣöötken abï keek gäm kɔc kɔ̈k, ayï duumken ayï diëërken. Yɛn bï kɔc ke ee piny luöi këtuc.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Dhiëëu 5:11

Diëërkuɔ acï keek wiëët në kuur ë Dhiɔn guöpde, ku tɔ duetkuɔ gäm në riɛl në wuöt ke Juda yic ëbɛ̈n.

Dhiëëu 5:2

Kakuɔ atɔ̈ukï në kɔc lei cin, juöör arëërkï në ɣöötkuɔ yiic.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Maika 6:15

Wek bï aa com, ku cïn këduön tɛmkï. Wek bï miök aa nyiith, ku cïn kë tac wek. Wek bï enap aa dhïïm, ku cïn mɔ̈n dɛkkï.

Ɣabakuk 3:17

Na cak ŋaap ku olip nïïm ciën mïth ku cïn duum yiic rap cam, ke yɛn bï ŋoot ke ya mit piɔ̈u në biäk de Bɛ̈nydït, ku na cak thök thou ëbɛ̈n ku cïn ɣɔ̈k nu ë luɛ̈k yiic,

Dhep 1:13

Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.

Nyöŋ 28:31

Ɣɔ̈kkun abï keek aa tɛm röt ke we daai, ku wek cïï rïŋken bï cuet. Mulkun abïï keek aa thɛl wei ke we tɔ̈u thïn, ku acïï keek bïï bɛ pɔ̈k nïïm week, thökkun abï keek gäm kɔc ke aterdun ku acïn raan bï week kony.