Nyöŋ 28:22 - JAM DE NHIALIC 2011

²² Bɛ̈nydït abï we tuöc jɔɔk ee kɔc nɔɔl, ku bɔ̈ɔ̈t, ku atuöc, abï week tuöc cɔk, ku kupiɔ̈r tuc bï rɛɛpkun riɔ̈ɔ̈k. Yen ee riääkkë abï tɔ̈u ke week aɣët të bä wek thou.

Nyöŋ 28:22 ပူးပေါင်းရင်းမြစ်များ

1 Mel 17:7

Na wën, ke nyin ë dëu në luɔi cïn en deŋ.

1 Mel 8:37

“Të cïï piny dɛk cɔk, ku nɔn ee jɔk yen kɔc dɔm, ku nɔn ee käm ee kɔ̈th riɔ̈ɔ̈k, ku nɔn ee yaak yen cïï piny yaak, ku nɔn cï kɔyɔm duum mak, ku nɔn ee atiääc, ku nɔn cï kɔc ke ater pänydït tuɔɔk ku nɔn ee riääk yen cï kɔc lɔ̈ny wut, ku nɔn ee jɔɔk kith yiic.

2 Lëk 6:28

“Ku të de yen cɔk, ku nɔn ee yen juäi, ku nɔn de yen kë cï rap riɔ̈ɔ̈k, ku nɔn ee yom rac, ku nɔn yen kɔyɔm, ku nɔn cïï kɔc ke ater keek mak në wuötken yiic, ku nɔn yen riäŋ cï keek yök, ku nɔn ee juän cï keek dɔm,

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Lebai 26:16

Wek bä jɔ luöi kakë: Wek bï yiɛ̈n riääk ëthiäu, wek bä yiɛ̈n jɔɔk thöl kɔc, ku atuöc bï week tɔ cɔɔr, ku nyiith wëikun wei, wek bï rap aa cuöm baŋ, në biäk bï kɔc dɛ wek ater ke cam.

Amoth 4:9

“Wek cä tuöc käm juëc riäk rɛɛpkun, ku yiën week kɔyɔm riëëk duumkuön ke tiim ëbɛ̈n, tiim ke enap, ayï tiim ke olip. Ku wek ŋoot ke wek kën röt pɔ̈k Ɛn. Kë cïï Bɛ̈nydït lueel ka.

Ɣagai 1:11

Yɛn ë piny tɔ yaak, ayï kur nïïm, ku rɛɛpke, ku duumkuön ke enap, ku duum ke tiim ke olip. Këriëëc nyin ëbɛ̈n, kë ee cil piny, acä tɔ yal, ayï kɔc, ayï ɣɔ̈k, ayï thök.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Dhek 14:12

Bɛ̈nydït abï jɔŋ tuc thok yiɛ̈n juöör bï tɔŋ lɛɛr Jeruthalem. Abïk gup ŋuäc ke ke ŋoot ke ke pïïr. Ku nyïïnken kekë liëpken abïk ŋuäc aya.

Nyöŋ 28:23

Acïn deŋ bï tuɛny, ku pinydun abï riɛl ë tör cï wëëth.

Nyöŋ 32:24

Abïk thou në cɔk ku atuöc, ku abïk thou në jɔɔk tuc thook. Ku abä ke tuöc läi röör bï keek mak, ku karɛc de thook wurïï bï keek kääc.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.