Nyöŋ 28:15 - JAM DE NHIALIC 2011

¹⁵ “Ku na kɛ̈nkï Bɛ̈nydït Nhialic riëëu, ku kɛ̈nkï lööŋkɛn gäm ke week ee köölë kekë wëëtde döt në piɔ̈n adöt, karɛckë kedhie abïk röt luöi week.

Nyöŋ 28:15 ပူးပေါင်းရင်းမြစ်များ

Cäk 3:14

Go Bɛ̈nydït Nhialic lɛ̈k kërac an, “Në luɔi cïn ë kënë looi, yïn cï cieen yïtök në läi yiic kedhie. Yïn bï ya mol në yïyɔu, ku yïn bï ya cam në abuui në pïïrdu yic ëbɛ̈n.

Cäk 4:11

Yïn ë cieen, ka yïn cïï piny bï bɛ com nɔm, në biäk cï yen riɛm de wänmuuth dek të wën nɛ̈k yïn en.

Cäk 4:12

Ku të le yïn piny com nɔm, acïï bï luɔk. Yïn bï jɔ riäu ke yï cïn nɔm wut në ee pinyë nɔm.”

2 Lëk 12:5

Go tiët Cemaya lɔ tëde Reɣobowam ku wɛ̈ɛ̈t meliik ke Juda cï kenïïm lɔ kut Jeruthalem në biäk de Cicak meliŋ de Rip. Ago lɛ̈k keek an, “Kë lueel Bɛ̈nydït kï an: ‘Wek cï A nyääŋ piny, ku ënɔɔnë wek bä keek nyääŋ në Cicak ciin.’”

2 Lëk 34:24

lëkkï jam ë Bɛ̈nydïïtë an: “Yɛn bï kɔc ke Jeruthalem luöi këtuc ku kɔc ceŋ en ëbɛ̈n, në biäk de acien cï ke gɔ̈ɔ̈r në awerekic ëbɛ̈n, awerek cï kuɛ̈n melik de Juda.

2 Lëk 7:19

Ku na lak lööŋkï dhoŋ kɔ̈ɔ̈th wek ë kɔcku, ku lak yiëth kɔ̈k lɔ lam,

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Jeremia 11:8

Ku akënkï piŋ ku akënkï Ya riëëu. Ŋɛk acï bɛ̈n ŋoot ke ril nɔm cï mandɛn wään. Ku Acä ke yɔ̈ɔ̈k bïk lööŋkï döt, ku acïk jaai. Aguɔ keek yiɛ̈n katuc cï lueel ë löŋic.”

Jeremia 26:4

Go ë Bɛ̈nydït lɛ̈k yɛn bä lɔ lɛ̈k kɔc an, “Acä lueel Yɛn Bɛ̈nydït ë biäk bä wek Yɛn riëëu, në luɔi bä wek wɛ̈ɛ̈t cä gäm week kuany yic,

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 36:31

Yïn bä luöi këtuc, wekë kuatdu, ku bänyku, në biäk de karɛc cäk looi wedhie. Yïn wekë kɔc ke Jeruthalem ku kɔc ke Juda we kën yöökdï piŋ, ka wek bä yiɛ̈n riääk cä lueel wedhie.”

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 40:2

Go bɛ̈ny de rem ya lɛɛr tëdäŋ ku lueel an, “Acïï Bɛ̈nydït Nhialic lueel nɔn bï yen ee pinyë riɔ̈ɔ̈k,

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Ɣodh 7:12

Abä keek aa deep në bɔi alɔ të le kek thïn, ku bɛ̈ɛ̈i keek piny cït man ë diɛt. Të le kek mat ëtök, abä keek dɔm.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Nyöŋ 11:28

Ku abï aa aciɛɛn të cä wek lööŋkë rïïu, ku wɛlkï röt wei bäk yiëth kɔ̈k lam, yiëth kɛ̈nkï keek kɔn lam ɣɔn.

Nyöŋ 28:2

Riëëukï Bɛ̈nydït Nhialicdun, ku athiɛɛiyë ëbɛ̈n abï aa këdun.

Nyöŋ 28:45

“Kek ee riääkkë kedhie abïk bɛ̈n tëde week, ku abïk tɔ̈u në week agut të bïï ë week riɔ̈ɔ̈k, në biäk kën wek Bɛ̈nydït Nhialicdun riëëu, ku dɔ̈tkï lööŋkɛn cï gäm week kedhie.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Jocua 23:15

Cït man cïï thön piɛth kiith wään cïï Bɛ̈nydït Nhialicdun than tiiŋ kedhie, yen luɔi bïï këriëëc kɔ̈k cï lueel ëbɛ̈n ŋoot ke ke tiiŋ röt ka aya. Acï lueel aa bï we tɔ yök ë riääkdït në ee piny piɛɛth cï gäm weekë.

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”

Bäny 2:15

Ku aköölkɛn ye kek lɔ tɔŋ, aye Bɛ̈nydït keek tɔ tiam, cït man ɣɔn cï Yen ë lueel an bï tɔ̈u aya. Aake tɔ̈u ë nuanic aläl.

1 Tham 4:10

Ago kɔc ke Pilithiin piɔ̈t arëët, agokï kɔc ke Yithriɛl tiaam, abï ŋɛk aa kat në kueerde ke lɔ baai. Ku thuɔɔu ëbɛ̈n dït arëët: aguum kathiërdiäk 30,000 de kɔc ke Yithriɛl acï ke bɛ̈n nɔ̈k.