Nyöŋ 28:13 - JAM DE NHIALIC 2011

¹³ Bɛ̈nydït Nhialicdun abï week tɔ ee bäny ee juöör yiic, wek cïï bï aa kɔc ee kɔc kuany cök, wek bï aa kuɛth e run thook ëbɛ̈n ku cäkkï löny taitai, na lak lööŋkɛn gäm keek week ee köölë kedhie lɔ riëëu ë piɔ̈n adöt.

Nyöŋ 28:13 ပူးပေါင်းရင်းမြစ်များ

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Nyöŋ 15:6

Bɛ̈nydït abï week thieei cït man cï Yen ye thön week, wek bï wëu aa dhën juöör kɔ̈k, ku wek cï bï aa dhëën tëde kɔc, wek bï juöör juëc ceŋ, ku acïn jur bï we ceŋ.

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Nyöŋ 28:1

Na wën ke lueel Mothe an, “Na lak Bɛ̈nydït Nhialicdun lɔ riëëu, ku dɔ̈tkï lööŋkɛn gäm keek week ee köölë kedhie, në piɔ̈n adöt, abï week tɔ dït arëët awär juöör kɔ̈k nu ë piny nɔm.

Nyöŋ 28:43

“Kɔc lei rɛ̈ɛ̈r pinydun, abïk aa lɔ ke ke ril, ku riɛldun abï aa lɔ ke thök ë määth.

Nyöŋ 28:44

Alɛi abïk nïïm dɛ wëu dhënkï week, ku we bï nïïm ciën kë dhɛ̈nkï keek. Ku në käŋ cök ëbɛ̈n abïk aa bänykun, ku abäk keek aa kuany cök.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.