Nyöŋ 28:10 - JAM DE NHIALIC 2011

¹⁰ Ku ëtɛ̈ɛ̈n, abïï kɔc ke piny nɔm ëbɛ̈n jɔ tïŋ nɔn cïï Bɛ̈nydït week lɔc, bäk aa kɔc ke nɔmde, ku abïk aa riɔ̈ɔ̈c në week.

Nyöŋ 28:10 ပူးပေါင်းရင်းမြစ်များ

1 Lëk 14:17

Ago kɛk de Debid bɛ̈n thiäi ë ɣään yiic ëbɛ̈n, go Bɛ̈nydït juöör kedhie tɔ riɔ̈c ë yen.

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Bɛ̈n 12:33

Go kɔc ke Rip kɔc coc cök an dapkï Yithriɛl tɔ jël pinyden luelkï an, “Të kɛ̈n we ke dap tɔ jël, wo bï thou wodhie.”

Bɛ̈n 14:25

Ku riëëk cök ke abëëlkɛn ke tɔŋ, gokï cuök be cath apiɛth. Go kɔc ke Rip lueel an, “Bɛ̈nydït yen agɔ̈m ke wook, yen abiök tɔŋ ë Yithriɛl. Ka wook, wonyku röt eenë.”

Yith 63:19

Yïn ee wo luööi cït kë kën kɔn aa bɛ̈nyda, abuk ciët ka kën kɔn aa kɔcku.

Jeremia 14:9

Eeŋö ee Yïn ciët raan cï nɔm mum, eeŋö ee Yïn ciët raan de tɔŋ cïn kony? Ee yic, Bɛ̈nydït Yïn tɔ̈u we wook! Wok ee kɔcku, du wook pɛ̈lwei.’ ”

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Malakai 3:12

Ku juöör ke piny nɔm kedhie, abïk week aa cɔɔl an kɔc cï thieei, në luɔi bï pinydun aa piny läk arëët, kë lueel ë Bɛ̈nydït de rɛm ka.

Kuɛ̈n 6:27

Ku lueel ë Bɛ̈nydït an, “Të cï kek ya cɔɔl rin të thieei kek kɔc ke Yithriɛl, abä keek aa thieei.”

Luɔi 15:17

Luɔi bï kɔc Nhialic kɔɔr, kɔc cï döŋ, Ayï Juöör kedhie Juöör cï cɔl në rinkï, Jam de Bɛ̈nydït kï, Bɛ̈nydït loi kake kedhie.

Nyöŋ 11:25

Të bä wek lɔ thïn ëbɛ̈n në ee pinyë, Bɛ̈nydït Nhialicdun abï kɔc tɔ riɔ̈c në week, cït man cïï Yen ë thɔn, ku acïn raan bï we tɔ kääc.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.