Nyöŋ 28:1 - JAM DE NHIALIC 2011

¹ Na wën ke lueel Mothe an, “Na lak Bɛ̈nydït Nhialicdun lɔ riëëu, ku dɔ̈tkï lööŋkɛn gäm keek week ee köölë kedhie, në piɔ̈n adöt, abï week tɔ dït arëët awär juöör kɔ̈k nu ë piny nɔm.

Nyöŋ 28:1 ပူးပေါင်းရင်းမြစ်များ

1 Lëk 14:2

Ago Debid jɔ ŋic nɔn cïï Bɛ̈nydït ye lɔc ke ye melik de Yithriɛl nɔm ëbɛ̈n, ku atɔ ciɛɛŋde tɔ kueth në baŋ de kɔc ke Yithriɛl.

Diɛt 106:3

Thieithieei në kɔc ee yicde döt, kɔc ee piathëpiɔ̈u looi aköölnyïïn.

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Diɛt 119:6

Na wɔi lööŋku apiɛth, ke yɛn cïï bï guöp yäär.

Diɛt 148:14

Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 23:22

Na lak gam thok, ku luɔikï këriëëc thɔ̈n week ëbɛ̈n, Yɛn bï gɔ̈m wokë kɔc de ater në week kedhie.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Yith 1:19

Na lak A lɔ riëëu, ke wek bï kapiɛth bïï piny ke luɔk aa cam.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 17:24

“Lɛ̈kë kɔckï bïk lööŋkï dhil riëëu kedhie. Acïkï këriëëc thiek ëbɛ̈n bï dhil aa tëëk në kɛ̈l ke pänydït thook kedhie në Thabath yic. Abïk Thabath dhil döt ke ee kööl ɣeric, ku acïn luɔi bïk dhil aa looi thïn liŋliŋ.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Luk 9:48

go ke yɔ̈ɔ̈k an, “Raan bï mɛnhthiinë dɔm në rinkï, ka ee yɛn ë dɔm, ku raan koor ë weyiic wedhie, yen abï dït.”

Jɔn 15:14

Wek ee määthkï, të ya wek ka cä thɔ̈n week looi.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 11:27

ë Athiɛɛi të la wek lööŋ ke Bɛ̈nydït Nhialicdun gäm week ee köölë riëëu,

Nyöŋ 15:5

Na lak lɔ riëëu, ku kuanykï lööŋke yiic apiɛth, lööŋ cä lɛ̈k week ee köölë.

Nyöŋ 26:18

Köölë Bɛ̈nydït acï week gam ke we ye kɔc ke nɔmde, cït man cï Yen ye thön week, ku acï week yöök bäk lööŋke ku jamde riëëu ëbɛ̈n.

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Nyöŋ 28:13

Bɛ̈nydït Nhialicdun abï week tɔ ee bäny ee juöör yiic, wek cïï bï aa kɔc ee kɔc kuany cök, wek bï aa kuɛth e run thook ëbɛ̈n ku cäkkï löny taitai, na lak lööŋkɛn gäm keek week ee köölë kedhie lɔ riëëu ë piɔ̈n adöt.