Nyöŋ 27:20 - JAM DE NHIALIC 2011

²⁰ ‘Aciɛɛn de Nhialic abï tɔ̈u ë raan yeth, raan lɔ wun yɔ̈ɔ̈r guöp në baŋ cï yen tɔ̈c kekë tiiŋ tök në diäär ke wuniic.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 27:20 ပူးပေါင်းရင်းမြစ်များ

Cäk 35:22

Ɣɔn rëër ë Jakop ee pinyë, ke Ruben ë nöm Bila tiiŋ mɛ̈thë wun. Ago Jakop piŋ, go piɔ̈u diu aläl. Jakop aa de nɔm mïthwät kathiëër ku rou.

Cäk 49:4

Yïn bï ciët amool dïït cï piny thiɔ̈ɔ̈ŋ nɔm. Ku acie yïn bï ya adhuɛ̈ŋ de baai, në luɔi wään cïn tɔ̈c we tiiŋdï, ku kɛ̈në biɔ̈k ke wuur riëëu nïïm.

2 Tham 16:22

Gokï paany luöi Abthalom ë ɣön ë bääny nɔm, go Abthalom aa lɔ tɔ̈c ɣöt kekë diäär määth ë wun, ke woi kɔc ëbɛ̈n.

1 Lëk 5:1

Kakë ayek wɛ̈ɛ̈t ke mïth ke Ruben wën kɛ̈i de Yithriɛl, Ruben yen aaye wën kɛ̈i, ku në biäk cï yen lɔ ɣöt kekë tiiŋ tök në diäär määth në wun, yiny de kɛ̈ide acï bɛ̈n gäm wɛ̈ɛ̈t ke Jothep wën de Yithriɛl, ka rinke akën ë keek gɔ̈ɔ̈r në kuëny ye kek kecök kuany cït man de yiny de dhiëth.

Edhekiɛl 22:10

Kɔc kɔ̈k në keyiic ayek tɔ̈c në diëër ke wärken. Ku wïït kɔ̈k diäär në riɛl ke ke thëk.

Lebai 18:7

Du wuur yɔ̈ɔ̈r guöp në luɔi bï yïn tɔ̈c wekë moor. Du moor yɔ̈ɔ̈r guöp, ago tɔ̈c wekë en.

Lebai 18:8

Du tiiŋ de wuur ee kɔɔr bäk tɔ̈c wekë yen, kënë abï wuur yɔ̈ɔ̈r guöp.

Lebai 20:11

Na lɔ raan tiiŋ ë wun nööm, acï wun yɔ̈ɔ̈r guöp, yen ë monyë kekë tiiŋë abïï keek dhil nɔ̈k, riɛmden abï nu ë keyiëth kapäc.

Amoth 2:7

Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!

Nyöŋ 22:30

“Acïn raan bï wun tɔ yäär guöp, në luɔi bï yen niin ke tiiŋ tök ë diëër ke wun yiic.

Nyöŋ 23:1

Na wën ke lueel Mothe an, “Acïn mony cï roc, ku nɔn ee mony cïï ë ruɔŋde tɛ̈ɛ̈m bei, bï tɔ̈u në amatnɔm de Bɛ̈nydïtic.