Nyöŋ 27:15 - JAM DE NHIALIC 2011

¹⁵ ‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 27:15 ပူးပေါင်းရင်းမြစ်များ

Cäk 31:19

Na wën, acï Laban amɛ̈lke lɔ tem gup, ke Racel ë löök yiëth ke wun kual.

Cäk 31:34

Ku Racel acï yiëth ke wun thiaan ë keŋkeŋ ë thɔ̈rɔ̈ɔ̈l thar piny, ku nyuuc ë kekɔ̈ɔ̈th. Go Laban paany guikic ëbɛ̈n, ku cï ke yök.

Cäk 9:25

ke lueel an, “Aciɛɛn anu në Kanaan yeth! Abï ya lïm de mïthëkɔcken.

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

1 Lëk 16:36

Pianykï Bɛ̈nydït, Nhialic de Yithriɛl! Lɛckï nɔm ënɔɔnë ku aɣet thɛɛr! Ku abïï kɔc kedhie lueel an, “Amiin”, ku piɔnykï Bɛ̈nydït.

2 Lëk 33:2

Acï karɛc ye juöör keek looi looi, kɔc ɣɔn bïï Bɛ̈nydït keek cuɔp wei, wään bïï ë kɔc ke Bɛ̈nydït thïn, go Manatha karɛc luöi Bɛ̈nydït.

Bɛ̈n 20:23

Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp.

Bɛ̈n 20:4

“Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 34:17

“Duökï röt lui yiëth ke wëëth, ku lamkï keek.

Yith 44:13

Atën ee tiim guaŋ ee tim them. Ee giɛɛt käär në agalam, ku jɔ kiëët në kakɛn ke guëŋ, ku jɔ looi ke cït guöp raan, raan läk, ke bïï lɔ tääu ɣönde.

Yith 44:17

Ku biäk däŋ de tim aye yen yath looi, ku jɔ yenɔm guöt piny ku lɛm. Aye lam ku lueel an, “Yïn ee yanhdï, kony ɛn!”

Yith 44:19

Kɔc ee yiëth looi acïkï ee tak ayï miɔ̈n bïk lueel an, “Biäk de tim acä dɛ̈ɛ̈p. Yɛn cï kuïn cï pam thaal, ku nyuɔp rïŋ ku cam. Ku biäk däŋ de tim acän ke yath luööi. Ku yakï gut a nɔm piny në tim dït nɔm!”

Jeremia 11:3

an, “Yɛn Bɛ̈nydït Nhialic de Yithriɛl, Yɛn cï raan ëbɛ̈n cieen raan cïï cök ee löŋë bï riëëu.

Jeremia 11:5

Ku ëtɛ̈ɛ̈n Yɛn bï gutguut jɔ döt, gutguut cä lɛ̈k kuarken nɔn bän keek gäm piny ee wat ë ca ku miök ë kiëc, piny tɔ̈u tëde keek ënɔɔnë.” Aguɔ lueel an, “Ɣɛɛ, Bɛ̈nydït.”

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Jeremia 28:6

Ago ë tiët Jeremia lɛ̈k en an, “Ee këdïït ë gäi! Amiin! Anhiaar duëër Bɛ̈nydït ee kënë looi! Anhiaar nɔn duëër en cäärdu tɔ ee yic, ku tɔ wëu bïïyë ciëën, wëu wään ke Luaŋdït cï lɛɛr Babilonia ku tɔ kɔc wään cï jɔt ke ke mac bɔ̈ ciëën.

Edhekiɛl 14:4

“Ënɔɔnë jam we keek ku lɛ̈kë keek kë cä lueel yɛn Bɛ̈nydït Awärjäŋ, alɛ̈k keek: Raan baai de Yithriɛl ëbɛ̈n, raan cï yepiɔ̈u gäm yiëth, ku tɔ keek wɛt en në rɛ̈ɛ̈cic, ku ee raan bɔ̈ tëde tiët bïï bɛ̈n luɔp, abï bëër ë lop yök tëde yɛn, bëër rɔ̈ŋ kekë yiëth juëcke!

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 9:11

Kɔc ke Yithriɛl kedhie acïk lööŋku dhoŋ kɔ̈u, ku reeckï këduön cï lueel piŋ. Wok cï wäc ë yïnɔm, ago wok yiɛ̈n acien ke gutguut wään cï gɔ̈ɔ̈r ë lööŋ ke lïmdu Mothe yic.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Kuɛ̈n 5:22

pïïukë abïk yï tɔ thum ka cïn kë bï bɛ̈n bei në yïɣöi. Ku ëtɛ̈ɛ̈n, abï tik puk nɔm an, Amiin, Amiin, yɛn ë gam, tɔ looi ë Bɛ̈nydït cït ee manë.

Math 24:15

Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

1 Kor 14:16

Be an, cie looi wuya, ku jɔ Nhialic thieei wekë wëiku kapäc, ke raan rɛ̈ɛ̈r ëtɛ̈ɛ̈n ke ye raan kënë wɛ̈ɛ̈t, bï “Amiin” lueel adï, nɔn kën en kë luel piŋ?

Nyöŋ 27:14

Kɔc ke Lebai abïk ee wëlkë aa lueel në röl dït an:

Nyöŋ 29:17

Wek cï yiëthkɛn nhiany tïŋ, yiëth cï looi në tiim, ku kur, ku ateek, ku adhääp.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 5:8

“Duökï röt lui yiëth cït gup ka nhial, ayï ka nu piny, ayï ka nu wïïr, ayï ka nu ë piny thar.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Bäny 17:3

Go wëu pɔ̈k nïïm man, ago man lueel an, “Në luɔi bän aciɛɛn pëën ke cïï lööny ë wëndï guöp, yɛn bï gutguut looi, ku gäm ee wëukë Bɛ̈nydït. Tim de yath abïï guaŋ ku kum kɔ̈u në ateek. Ku ënɔɔnë yɛn bï wëukë bɛ pɔ̈k nɔm yïn.”

Bäny 17:4

Na wën, ke ke jɔ pɔ̈k nïïm man, ago bot kaarou ke atek nööm, ku gëm ke atën ee thäth ë atek. Ku looi yath, aa guɛŋ ë tim ku kum kɔ̈u në ateek, ku tɛ̈ɛ̈uwë ɣön de Maika.

1 Tham 26:19

Ënɔɔnë, tɔ bɛ̈nydï melik, piŋ këdiën luɛɛl. Na ee Bɛ̈nydït yen cï yïn puɔ̈k nɔm ɛn, miɔ̈c cï gäm en abï yen tɔ waar E nɔm, ku na ee kɔc kek ë looi yen, ke aciɛɛn de Bɛ̈nydït abï lööny në kegup, në biäk cïï kek ɛn cuɔp wei piny de Bɛ̈nydït ku leerkï yɛn piny duɛ̈ɛ̈r ɛn yiëth lei lɔ lam.