Nyöŋ 26:15 - JAM DE NHIALIC 2011

¹⁵ Ye piny woi paannhial tëduön ɣeric, ku thieei kɔckuön ke Yithriɛl, ku thieei piny cï gäm wook aya, piny ee wat ë ca ku miök ë kiëc, cït man wään cï Yïn kuëëŋ we kuarkuɔ.’

Nyöŋ 26:15 ပူးပေါင်းရင်းမြစ်များ

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

2 Lëk 30:27

Go bäny ke kake Nhialic ku Lebai de Bɛ̈nydït thiëëc bïï athiɛɛi tääu ë kɔc gup. Go Nhialic lɔ̈ŋden piŋ baaidɛn ɣeric paannhial ku gɛm keek thook.

Diɛt 28:9

Kony kɔcku Bɛ̈nydït, ku thiei ka wën ee kaku. Tɔ rɔt ee tïnden, ku tit keek aɣet athɛɛr.

Diɛt 51:18

Nhialic tɔ Yïpiɔ̈u kok wekë Dhiɔn, ku kuɔnyë bɛ ë päny de Jeruthalem nyɔk në yïk.

Diɛt 68:5

Wun mïth abɛɛr ku raan ee diëër abɛɛr gël, ee Nhialic ee rɛ̈ɛ̈r tëdɛn ɣeric,

Diɛt 80:14

Pɔ̈kë rɔt wook, Awärjäŋ Nhialic! Wɔiyë wo piny paannhial, bä kony kɔcku!

Diɛt 80:15

Bä kony enapduön cï comë, yen ee enap thiin wään cï tɔ lok në riɛl!

Diɛt 90:17

Bɛ̈nydït Nhialinyda, tɔ athiɛɛidu tɔ̈u ke wook. Gämë wook tiëm në kë yok looi yic ëbɛ̈n.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Jeremia 31:23

Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Luɔi 7:49

‘Kë lueel Bɛ̈nydït kï an paannhial yen aye thöönydï, Ku piny yen aye kën aa yɛn acök dhɔ̈ɔ̈r: Ee ɣönou bäk yiëk ɛn? Ku të duɛ̈ɛ̈r ɛn lɔŋ thïn akou?

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 26:14

Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Nyöŋ 26:7

Goku Bɛ̈nydït Nhialic de kuarkuɔ lɔ̈ŋ bï wo kony. Go Nhialic lɔ̈ŋda piŋ ku tïŋ nuanda, ku luɔi tuc thok, ku jiɛthëpiɔ̈nda.

Nyöŋ 26:9

Acï wook bɛ̈ɛ̈i ee tënë, ku gëm wook piny ee wat ë ca ku miök ë kiëc.

Nyöŋ 6:3

Piɛŋkï keek, wek kɔc ke Yithriɛl ku riëëukï keek, ago käŋ ëbɛ̈n piath ke week, ku wek bï aa jur ril ë tör ku rɛ̈ɛ̈rkï piny ee wat ë ca ku miök ë kiëc, cït man cïï Bɛ̈nydït Nhialic de kuarkun ye lɛ̈k wook.