Nyöŋ 25:19 - JAM DE NHIALIC 2011

¹⁹ Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 25:19 ပူးပေါင်းရင်းမြစ်များ

1 Lëk 4:43

Ëtɛ̈ɛ̈n acïk kɔc ke Amalek wään cï ban bɛ̈n nɔ̈k, ku jɔkï rɛ̈ɛ̈r ëtɛ̈ɛ̈n aɣet cï ënɔɔnë.

Ethta 3:1

Na ɣɔn acï nïn lɔ, ke Melik Athuwereth ë ŋuak Ɣaman në bääny, yen Ɣaman wën Ɣamedatha, raan de Agak, ke ye bɛ̈ny tɔ̈u në bäny nïïm, bäny nu në Melik cök.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Bɛ̈n 17:14

Go Bɛ̈nydït lɛ̈k Mothe an, “Gäär ë tiëmë, ke bï ya tak. lɛ̈kë Jocua an Yɛn bï kɔc ke Amalek jɔ riɔ̈ɔ̈k ëtaiwei.”

Bɛ̈n 17:16

Ku lueel an, “Jatkï beer de Bɛ̈nydït nhial! Bɛ̈nydït abï cieŋ ke gɔ̈m kekë kɔc ke Amalek anande!”

Bɛ̈n 33:14

Go Bɛ̈nydït lɛ̈k en an, “Yɛn bï cath wokë yïn, ku yïn bä tɔ tiëm.”

Nyöŋ 12:9

në biäk kën wek ɣet piny bï Bɛ̈nydït Nhialicdun gäm week, të bä wek lɔ rëër thïn në mät.

Nyöŋ 21:23

guöpde acïï bïï tɔ tɔ̈u ë tim kɔ̈u aɣët cï wakɔ̈u. Abï dhil tɔ̈ɔ̈u ee kööl töŋë yic, në biäk ye guöp de raan cï thou nɔ̈ɔ̈k ë tim kɔ̈u aciɛɛn ë Nhialic bɛ̈ɛ̈i piny. Täukï guöp de raan cï thou, aguɔkï piny gëmë Bɛ̈nydït Nhialicdun week cïï bï riɔ̈ɔ̈k.

Nyöŋ 26:1

Go Mothe lueel an, “Të cä wek piny gëm ë Bɛ̈nydït Nhialicdun week jɔ nööm, ku jakï rëër ëtɛ̈ɛ̈n,

Nyöŋ 3:18

“Guɔ week yɔ̈ɔ̈k ɣɔn ë aköölkë an, ‘Bɛ̈nydït Nhialicdun acï week gäm ee pinyë bäk nööm. Ku kɔckuön lëu tɔŋ kedhie, kɔc cï röt kiëët në biäk de tɔŋ. Abïk kiir kɔn teem tueŋ, në mïthëkɔcken nïïm kɔc ke Yithriɛl.

Nyöŋ 9:14

Du them luöi bï yïn En jɔ̈ɔ̈ny. Akaar bä keek riɔ̈ɔ̈r nyïïn ë pinynɔm, ago ciën raan bï keek bɛ nyɔk ë täk ananden. Ku yïn bä tɔ ye jur ril aläl awär keek.

Jocua 11:23

Go Jocua piny peec ëbɛ̈n cït man wään cïï Bɛ̈nydït e lɛ̈k Mothe, ku tëk Jocua piny dhiëën ke Yithriɛl ke ye piinyken, piny ke dhiën tök. Ago kɔc jɔ lɔ̈ŋ në tɔɔŋ.

Jocua 23:1

Na ɣɔn, acï akööl juëc tëëk, akööl ɣɔn cïï Bɛ̈nydït Yithriɛl gäm löŋ në kɔc de kek ater, Jocua acï jɔ dhiɔp arëët.

Jocua 6:3

Ka yïn wekë remduön ë tɔŋ, yak pänydït wiɛl piny raantök në akööl yiic kadhetem.

Jocua 7:12

Yen kë cïï Yithriɛl tɔ lëu kɔc ke ater ka. Acïk lɔ kat në keek, në luɔi cän ke kuöm riääk, keek gupken! Yɛn cï bï bɛ tɔ̈u wokë week, agut të bä wek käŋ riɔ̈ɔ̈k, ka wään cä lɛ̈k week an cïï ke nöm!’

1 Tham 14:48

Ago thɔ̈ɔ̈r aläl kekë kɔc ke Amalek ku tiɛɛm keek ku luɛ̈k Yithriɛl në kɔc ee yen yɔŋ cin.

1 Tham 27:8

Ku në ee runkë yiic Debid kekë kɔckɛn ke tɔŋ aake ye tɔŋ yiɛ̈n kɔc ke Gecur, ku kɔc ke Girdhi, ku kɔc ke Amalek, kɔc wään ceŋ ee pinyë ɣɔn thɛɛr. Aa ye pinyden yiɛ̈n tɔŋ gɔl piny de Cur ɣeet paan ë Rip,