Nyöŋ 21:23 - JAM DE NHIALIC 2011

²³ guöpde acïï bïï tɔ tɔ̈u ë tim kɔ̈u aɣët cï wakɔ̈u. Abï dhil tɔ̈ɔ̈u ee kööl töŋë yic, në biäk ye guöp de raan cï thou nɔ̈ɔ̈k ë tim kɔ̈u aciɛɛn ë Nhialic bɛ̈ɛ̈i piny. Täukï guöp de raan cï thou, aguɔkï piny gëmë Bɛ̈nydït Nhialicdun week cïï bï riɔ̈ɔ̈k.

Nyöŋ 21:23 ပူးပေါင်းရင်းမြစ်များ

2 Tham 21:10

Na wën ke Ridhpa nyan de Ayia tiiŋ määth ke Thaulo lupɔ de cual looi ke ye kät të wën cïï ë gup ke kɔc tääu thïn në kur nïïm, go jɔ rɛ̈ɛ̈r ëtɛ̈ɛ̈n gɔl ɣɔn tem ë rap agut wään cï deŋ jɔ këër. Aaye diɛt cop aköl ke ke cïï gup ke mïth ke wɛ̈ɛ̈tke bï ŋueet, ku ye gupken gël wakɔ̈u aya në luɔi cïï läi ke bï cuet.

2 Tham 21:6

Ka yïn gämë wook mïth kadhorou, në mïth ke wɛ̈ɛ̈tke yiic, buk keek bɛ̈n nɔ̈k ku nöku gupken nhial ë Bɛ̈nydït nɔm ë Gibia wun de yï Thaulo, melik cï Bɛ̈nydït lɔc.” Go ë melik bɛ̈ɛ̈r an, “Abä keek gäm week.”

2 Mel 10:8

Na ɣɔn aa lɔ Jeɣu ye piŋ nɔn cï nïïm ke käu de Aɣap bɛ̈ɛ̈i, go ke yɔ̈ɔ̈k an, ë ke kut nïïm në kuut kaarou në kal ë wut thok, ku nyiëëŋë ke ëtɛ̈ɛ̈n agut cï run ë piny miäk.

Edhekiɛl 39:12

Täu tɔ̈ɔ̈u ë gup ke kɔc në baai de Yithriɛl abï pɛ̈i kadhorou thöl ku jɔ piny bɛ piath.

Lebai 18:25

Ayï piny aya, acï riääk, aguɔ kuum në biäk de kërɛɛcde, ago piny kɔc ceŋ en ŋak wei.

Kuɛ̈n 25:4

Go Bɛ̈nydït lɛ̈k Mothe an, “Math bäny ke Yithriɛl nïïm kedhie, ku nɛ̈k keek aköl në yanɔm, ku päl keek adhɔt piny ëtɛ̈ɛ̈n, ke agönhdï abï thök wokë kɔc ke Yithriɛl.

Jɔn 19:31

Ku ëköölë aaye kööl ë Guiɛɛk: ago Judai piɔ̈ɔ̈th ciën luɔi bï kɔc gup tɔ̈u ë tim kɔ̈u ëkööl ë Thabath (kööl ë Thabathë aaye kööl dït), agokï Pilato lɔ̈ŋ an, bï kɔc dhuööŋ cök, ku jötë ke bei.

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Nyöŋ 25:19

Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 4:21

Ku në biäkdun Bɛ̈nydït Nhialicdun ë gɔ̈th kekë yɛn, ku kuëëŋ arëët, an, cä bï lɔ në wɛ̈ɛ̈r de Jordan nɔm lɔɔk, piny piɛth bïï gäm week.

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Jocua 7:12

Yen kë cïï Yithriɛl tɔ lëu kɔc ke ater ka. Acïk lɔ kat në keek, në luɔi cän ke kuöm riääk, keek gupken! Yɛn cï bï bɛ tɔ̈u wokë week, agut të bä wek käŋ riɔ̈ɔ̈k, ka wään cä lɛ̈k week an cïï ke nöm!’

Jocua 8:29

Ku Jocua ë melik de Ai bɛ̈n mac nhial ë tim nɔm, ku tɔ col nhial ëtɛ̈ɛ̈n agut cï thëën. Na ɣɔn thëën në lɔ piny de akɔ̈l, ke Jocua yöök kɔc bïïkï bei. Ago bɛ̈ɛ̈i bei, ku cuɛtë piny në kal ë wut thok. Na wën, ke kum kɔ̈u në kurdït. Kek ee kurkë aŋootkï ëtɛ̈ɛ̈n agut cï ye köölë.