Nyöŋ 21:22 - JAM DE NHIALIC 2011

²² “Na de raan cï nɔ̈k në biäk de awänydɛn cï yen raan nɔ̈k, ku acï nɔ̈ɔ̈k guöp ë tim kɔ̈u,

Nyöŋ 21:22 ပူးပေါင်းရင်းမြစ်များ

Cäk 40:19

Në ee nïnkë yiic kadiäk, melik abï yï luöny bei, ku tɔ yï tëëmë nɔm bei. Ku kɛɛkë yï nhial në tim nɔm. Ku yïn bï diɛt cam.”

2 Tham 21:10

Na wën ke Ridhpa nyan de Ayia tiiŋ määth ke Thaulo lupɔ de cual looi ke ye kät të wën cïï ë gup ke kɔc tääu thïn në kur nïïm, go jɔ rɛ̈ɛ̈r ëtɛ̈ɛ̈n gɔl ɣɔn tem ë rap agut wään cï deŋ jɔ këër. Aaye diɛt cop aköl ke ke cïï gup ke mïth ke wɛ̈ɛ̈tke bï ŋueet, ku ye gupken gël wakɔ̈u aya në luɔi cïï läi ke bï cuet.

2 Tham 21:6

Ka yïn gämë wook mïth kadhorou, në mïth ke wɛ̈ɛ̈tke yiic, buk keek bɛ̈n nɔ̈k ku nöku gupken nhial ë Bɛ̈nydït nɔm ë Gibia wun de yï Thaulo, melik cï Bɛ̈nydït lɔc.” Go ë melik bɛ̈ɛ̈r an, “Abä keek gäm week.”

2 Tham 21:9

Go Debid wɛ̈ɛ̈tkë kadhorou gäm kɔc ke Gibiɔn. Go kɔc ke Gibiɔn keek nɔ̈k ku nökkï keek në tiim kɔ̈ɔ̈th në kuur de Bɛ̈nydït nɔm, acïk bɛ̈n thou ëtök kedhie kadhorou. Aake näk keek në kööl tueŋ gɔlë tëm ë barli.

2 Tham 4:12

Go Debid remdɛn ë tɔŋ yɔ̈ɔ̈k bïk Rekap ku Baana lɔ nɔ̈k, gokï Rekap ku Baana tɛm cin ku cök ku jɔkï keek nöök nhial në tim nɔm të thiääk ke awuöl de Ɣebron. Na wën ke ke jɔt nɔm de Yiciboceth ku lek tɔ̈ɔ̈u në raŋ de Abener yic në Ɣebron.

Kuɛ̈n 25:4

Go Bɛ̈nydït lɛ̈k Mothe an, “Math bäny ke Yithriɛl nïïm kedhie, ku nɛ̈k keek aköl në yanɔm, ku päl keek adhɔt piny ëtɛ̈ɛ̈n, ke agönhdï abï thök wokë kɔc ke Yithriɛl.

Math 26:66

Luɛlkï wäkdiaa?” Gokï bɛ̈ɛ̈r an, “Acï wäc, arɔ̈ŋ ke thuɔɔu.”

Mak 14:64

We cï lɛ̈t piŋ lɛ̈t lɛ̈ɛ̈t en Nhialic ë wek wäkdiaa?” Gokï yiëk yeth gääk an, röŋ ke thuɔɔu.

Luk 23:33

Na wën, aa cïk ɣet të cɔl “Apet,” ke jɔkï piäät ëtɛ̈ɛ̈n ë tim cï rïïu nɔm kɔ̈u, ku piëëtkï kɔc cï kërac looi, tök ë baŋ cuënyde, ku tök ë baŋ cam.

Luɔi 23:29

Aguɔ piŋ nɔn cï e gaany në këde löŋden tei, ku kënë gaany në kë duëërë ye tɔ näk, ku kë duëërë ye tɔ mac aya.

Luɔi 25:11

Ku na de kë cä wööc, ku na de kërɛɛc cä looi kërɛɛc röŋ ke luɔi bï a nɔ̈k, ke yɛn cïï duëër jai ë thuɔɔu. Ku të cïï kek ee yith, kek kak ë gɔɔny kek ɛn, ke luɔi duëër raan a tɔ yïnë keek aliu. Yɛn bï këdï lɛɛr ë Kaithar nɔm.”

Luɔi 25:25

Ku luɔi cïn en kë cä yök, kë bï e nɔ̈k, ku luɔi cï en a lɔ̈ŋ, yenguöp an, bï këde lɛɛr në Augutho nɔm, ke guɔ lueel an, bä tɔ leerë.

Luɔi 26:31

gokï nyaai ë yelɔ̈ɔ̈m, ku guiirkï kapäc, luelkï an, “Raanë acïn kë cï looi kë röŋ ke luɔi duëërë ye nɔ̈k, ayï many mɛcë yen aya.”

Nyöŋ 19:6

Ku na ee pänydïït tök yen tɔ̈u tei, ku kaamde amec ke kɔc, ke kɔc ke raan cï nɔ̈k kɔɔr guur, ka aduëërkï raan ë näk raan guɔ gïth ku nɛ̈kkï raan cïn guöp awäc ë guur. Kën ë loi rɔt, aa näk raanden ke ee wɛ̈ɛ̈th, aaye raan ë cïn kek ater.

Nyöŋ 22:26

acïn kë bïï luöi nya, në biäk kën en kërɛɛc röŋ kekë thuɔɔu looi, yen ee löŋë acït ke luɔi duëërë raan cï raandäŋ mak ku nɛ̈k.

Jocua 10:26

Ku jɔ Jocua meliik nɔ̈k, ku kɛɛk keek në tiim kadhïc nïïm, ku pɛ̈lke ke ke col ëtɛ̈ɛ̈n agut cï thëën.

Jocua 10:27

Na wën, në lɔ piny de akɔ̈l, ke Jocua ë yöök kɔc nɔn bïï ë gupken bei, ku deenyë keek në kökic, köŋ wën cï kek thiaan thïn. Ku tɛ̈ɛ̈uwë gökdïït ke kur në kök thok, kek ee kurkë aŋootkï ayï wälë.

Jocua 8:29

Ku Jocua ë melik de Ai bɛ̈n mac nhial ë tim nɔm, ku tɔ col nhial ëtɛ̈ɛ̈n agut cï thëën. Na ɣɔn thëën në lɔ piny de akɔ̈l, ke Jocua yöök kɔc bïïkï bei. Ago bɛ̈ɛ̈i bei, ku cuɛtë piny në kal ë wut thok. Na wën, ke kum kɔ̈u në kurdït. Kek ee kurkë aŋootkï ëtɛ̈ɛ̈n agut cï ye köölë.

1 Tham 26:16

Abener, yïn cï löny në luɔidu yic! Yɛn cï kuëëŋ në Bɛ̈nydït pïïr an week wedhie wek rɔ̈ŋ në thuɔɔu, në biäk kɛ̈n wek bɛ̈nydun tiit, raan cïï Bɛ̈nydït tɔ ye melik. Tiëŋkï, tɔ̈u tɔŋ de melik ënou? Ku tɔ̈u aguun ë pïïu wään tɔ̈u ë yenɔm ë nou?”