Nyöŋ 20:18 - JAM DE NHIALIC 2011

¹⁸ Näkkï keek, agokï week cïï bï tɔ lui kërac Bɛ̈nydït Nhialicdun, në wɛ̈ɛ̈t bï kek we wɛ̈ɛ̈t në kanhiany ëbɛ̈n, ka yek keek looi në läm de yiëthken yiic.

Nyöŋ 20:18 ပူးပေါင်းရင်းမြစ်များ

2 Mel 21:3

Ë ɣään thöny nyɔk në yïk, ka ɣɔn cïï Ɣedhekia ke riɔ̈ɔ̈k, ku lui Baal yïk kekë yanh tiiŋ cɔl Acera cït luɔi de Aɣap melik de Yithriɛl, ku ye kuɛl lam ku luuikï ke.

Bɛ̈n 23:32

Duökï de män matkï në keek, ayï yiëthken.

Bɛ̈n 23:33

Duökï keek tɔ rɛ̈ɛ̈r pinydun. Të la we ke tɔ rɛ̈ɛ̈r pinydun, abïk week meet në läm de yiëthken, ku tɔkï we lui Ɛn kërac. Të la wek yiëthken lam, abï aa dɛ̈p dïït deepë week.

Bɛ̈n 34:12

Tiɛtkï röt, duökï mät loi në kɔc ke piny la wek thïn. Ke ke cïï week bï deep.

Bɛ̈n 34:16

Ku duökï wɛ̈ɛ̈tkun bï tɔ thiak duet lei. Aduëër ë diäär ke thɛl në läm ë yiëthiic ku pälkï Yɛn.

1 Kor 15:33

Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Nyöŋ 18:19

Abï jam në rinkï, ku Yɛn bï raan ëbɛ̈n kuum, raan reec jamde riëëu.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.

Nyöŋ 20:17

Riäärkï kɔc nyïïn kedhie taitai, kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth, cït man cïï Bɛ̈nydït we yɔ̈ɔ̈k an luɔikï.

Nyöŋ 20:19

“Të kaar wek bäk pänydït peec, duökï tiimkɛn de mïth ye cam ee yiɛp piny, cakaa nɔn bïï luɔi cï ë wut tuɔɔk kaamdït lɛɛr. Camkï mïth ke tiim ku duökï tiim riäk, tiim acïkï de ater në week.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

2 Theth 3:14

Ku na de raan reec jamda piŋ jam nu ë awerekë yic, yak raanë gɔɔk guöp, ku duökï ee mat ë yen, ke bï yäär.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

Bäny 2:3

Ku ënɔɔnë abä lueel aya an, “Acä keek bï bɛ cop në wenïïm, ku abïk aa kuɔɔth guut weyöth. Ku yiëthken abïk aa wïïn ke dɛ̈p tëde week.