Nyöŋ 2:37 - JAM DE NHIALIC 2011

³⁷ Ku kän lɔ në pɛ̈ɛ̈nydït ke wɛ̈ɛ̈t ke Ammon lɔ̈m ayï wuöt nu të lɔ kiir de Jabok yɔu ayï wuöt thiääk në wuöt nu piny ë kuur. Wek kën lɔ thïn cït man cïï Bɛ̈nydït Nhialicda wook yɔ̈ɔ̈k.

Nyöŋ 2:37 ပူးပေါင်းရင်းမြစ်များ

Cäk 32:22

Ku në ee wɛ̈ɛ̈r manë yic, Jakop ë rɔt bɛ̈n jɔt, ku jɔt diäärke kaarou, ku diäär lïïmke kaarou, ku mïthke kathiëër ku rou, ku temkï kiir de Jabok.

Kuɛ̈n 21:24

Go kɔc ke Yithriɛl kɔc juëc nɔ̈k në keyiic, ku rumkï pinyden gɔl në lil de Arnon agut cï Jabok, ku le guööt aken de kɔc ke Ammon nɔm. Jadher yen aaye aken de kɔc ke Ammon.

Nyöŋ 2:19

Ku ëtɛ̈ɛ̈n wek bï jɔ thiääk në paan de kɔc ke Ammon. Duökï kɔc ke Ammon yɔŋ, ku duökï keek köör akɔ̈ɔ̈k, wek cä bï gäm piny de kɔc ke Ammon. Acä gäm wɛ̈ɛ̈t ke Lɔt ke ye këden.

Nyöŋ 2:5

Ku duökï keek köör akɔ̈ɔ̈k në biäk cän week bï gäm pinyden, ayï ɣään duëër wek wecök tääu thïn, acïn kë bä gäm week. Yɛn cï piny de kuur Edom gäm Ethau kekë kuatde ke ye këden.

Nyöŋ 2:9

Ago Bɛ̈nydït ɛn yɔ̈ɔ̈k an, ‘Duökï kɔc ke Mowap yɔŋ, ku duökï keek köör akɔ̈ɔ̈k, në biäk cän week bï gäm tëthiinakäŋ ë pinyden yic, yɛn cï Ar gäm wɛ̈ɛ̈t ke Lɔt ke ye këden.’ ”

Nyöŋ 3:16

Ku gäm dhiën de Ruben kekë dhiën de Gad, piny ee rɔt gɔl në Giliyad kɔ̈u ciëën leer piny të lɔ lil de Arnon (ku lil yic cil yen aye akeu) ku bïï bei në kiir de Jabok yɔu, yen aye aken de kɔc ke Ammon.

Jocua 12:2

Ku ee meliikë, ee yï Thiɣon melik de kɔc ke Amor, ë cieŋ Ɣecbon. Ku ciɛɛŋde acï biäk de Giliyad mat thïn gɔl në Aroyer (në wak de Arnon këc) agut cï wundïït tɔ̈u në wakic cil, ku lee në kiir ë Jabok kɔ̈u në aken de kɔc ke Ammon.

Bäny 11:15

ku bëër an, “Kënë acie yic Yithriɛl akën piny de Mowap nööm ayï piny de kɔc ke Ammon.

Bäny 11:22

Peckï piny de kɔc ke Amor ëbɛ̈n, dɔm në Arnon të lɔ wöuwic leer ë Jabok të lɔ rut, ku dɔm në jɔ̈ɔ̈ric të lɔ aköl amiäk leer Jordan në aköl athɛ̈i.