Nyöŋ 19:15 - JAM DE NHIALIC 2011

¹⁵ “Cäätɔ tök acïï duëër röŋ ke luɔi duëër ë raan tɔ gäk në kë cï wööc, ee cäätɔ kaarou tei ku nɔn ee diäk kek duëër ye nyuɔɔth nɔn cïï raan wäc.

Nyöŋ 19:15 ပူးပေါင်းရင်းမြစ်များ

1 Mel 21:10

Ku bɛ̈ɛ̈ikï kɔc de gup anäinäi kaarou ë yenɔm bïk aa cäätɔɔ luel ater në yen, në baŋ cï yen Nhialic lat, ku lat melik. Ku jakï lɛɛr ë wut këc biic lak biɔ̈ɔ̈k ë kur abï thou.’

1 Mel 21:13

Na wën, ke kɔc kaarou ke ke bɔ̈, kɔc de gup anäinäi, bïkkï ku nyuckï ë yenɔm, ku jɔkï cäk thok, luelkï ater në yen an cï Naboth Nhialic läät, ku lɛ̈ɛ̈t melik. Na wën, ke jɔkï jat biic në wut këc, lek biɔ̈ɔ̈k ë kur, abï thou.

Kuɛ̈n 35:30

Raan, cï raan nɔ̈k ëbɛ̈n, ke näk të de yen cäätɔɔ kaarou ku nɔn ee ka juëc, cäätɔ tök acïï ke raan ee kuöm nääk.

Math 18:16

Ku të reec en yï piŋ thok, ke yï lɔ wekë raan tök ayï kɔc kaarou, ago jam lɔ gɔk ëbɛ̈n ë cäätɔɔ kaarou ayï diäk.

Jɔn 7:51

“Löŋda acïï këde raan ee guiir, të kën en jam kɔn piŋ ë raan thok, ku jɔ kë looi ŋic?”

Jɔn 8:17

Ku acï gɔ̈ɔ̈r ë löŋdunic aya an, kë lueel cäätɔɔ kaarou, yen aye yic.

2 Kor 13:1

Yɛn ë cök aa rou, ku diëŋden kï, bän jɔ bɛ̈n tëde wek. “Në thook ke cäätɔɔ kaarou ayï diäk abï jam lɔ kimpiny ëbɛ̈n.”

Nyöŋ 17:6

Ku abï nɔ̈k tei, të cïï kɔc kaarou ku nɔn ee kɔc kadiäk jamdɛn cï lueel piŋ ë yic, acï bïï nɔ̈k na ee raan tök yen ë tïŋ ku piŋ ee jamdɛnë.

1 Tim 5:19

Du gööny ee gam gööny cïï monydït nu ë kɔc nïïm gaany, ee cäätɔ kaarou nïïm ayï diäk, yen a duëër yïn en gam tei.

Ɣeberuu 10:28

Raan cï löŋ de Mothe dhoŋ kɔ̈u ke ŋic kɔc kaarou ku nɔn ye kek diäk nu thïn, aye nɔ̈k të cïn kok de piɔ̈u.