Nyöŋ 18:18 - JAM DE NHIALIC 2011

¹⁸ Abä keek tuöc tiët de Nhialic cït yïn raan de kɔcken yiic, abä lëk kë bïï lueel, ku abï kɔc lëk këriëëc cä lɛ̈k en ëbɛ̈n.

Nyöŋ 18:18 ပူးပေါင်းရင်းမြစ်များ

Diɛt 110:4

Bɛ̈nydït acï gutguut looi ku acïï Yenɔm duëër kɔn waar. Acï lueel an, “Yïn ee bɛ̈ny de kake Nhialic aɣet thɛɛr, bɛ̈ny de kake Nhialic cït Melkidhedek.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Bɛ̈n 4:12

Ku ënɔɔnë, lɔ, yïn bä lɔ lɛ̈k kë bä lɔ lueel, ku kuɔny yïn në jam.”

Bɛ̈n 4:15

Jam we yen, guiëërë kë kɔɔr bä lɔ lueel ëbɛ̈n. Wek bä kuɔny wedhie waarou, ku wek bä nyuöth kë bäk looi.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Yith 51:4

“Piɛŋkï kë luɛɛl kɔckï, piɛŋkï kë luɛɛl yɛn cï wëëtdï gäm juöör, lööŋkï abïk keek yiɛ̈n ɣɛɛr.

Jeremia 1:9

Go Bɛ̈nydït Yeciin ɣɔ̈ɔ̈k, ku jiɛk a thok ku lɛ̈k yɛn an, “Piŋ, yïn gäm jam bä dhil lɔ lueel.

Ɣodh 12:14

Ku wek kɔc ke Eparaim, wek ë Bɛ̈nydït wööc piɔ̈u arëët në awɛ̈ɛ̈ckun. Ku Bɛ̈nydïtdun, abï we gäm ariöp de awɛ̈ɛ̈ckun, ka wek bï thou. Ku abï we luöi këtuc në biäk kɛ̈n wek En riëëu guöp.

Amoth 2:11

Yɛn cï wɛ̈ɛ̈tkun kɔ̈k tɔ ye tït ke Nhialic, ku ta kɔ̈k ee ayuul ke Nhialic cï kuëëŋ ku gëmkï röt ɛn. Kë lɛ̈k week cie yic, wek kɔc ke Yithriɛl? Kë cïï Bɛ̈nydït lueel ka.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Kuɛ̈n 12:13

Go Mothe Bɛ̈nydït lɔ̈ŋ an, “Yïn läŋ Nhialic, tɔ dem.

Kuɛ̈n 23:16

Go Bɛ̈nydït lɔ yök kekë Balaam, ku lëk ke bï lɔ lueel an, “Puɔ̈kë yïnɔm Balak, lɔ guiëërë ee jamë.

Kuɛ̈n 23:5

Go Bɛ̈nydït Balaam guiëër ke bï lɔ lɛ̈k Balak, ku tɔ dök e nɔm Balak le lɛ̈k ke cï guiir.

Luk 24:19

Go ke thiëëc an, “Ee käŋö?” Gokï lueel an, “Ka ke Yecu de Nadhareth, ee tiët ril ë luɔide ku wëlke ë Nhialic nɔm ku në kɔc nïïm kedhie.

Jɔn 1:21

Agokï thiëëc an, “Ka ye ŋa? Ye Elija?” Go, yen an, “Ei, yɛn cie Elija.” Gokï thiëëc an, “Ka ye tiët wäänë?” Go bɛ̈ɛ̈r, jiɛi an, “Ei.”

Jɔn 1:25

Agokï thiëëc an, “Eeŋö ee yïn kɔc baptith, të cïï yïn ë Kërtho, ku cïï ye Elija, ku cïï ye tiët wäänë?”

Jɔn 1:45

Go Pilip Nathanyel yök, ku jɔ lɛ̈k en an, “Wok ë raan yök, raan cï Mothe këde gɔ̈ɔ̈r ë löŋic, ayï tït, Yecu de Nadhareth, wën ë Jothep.”

Jɔn 12:48

Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 17:18

Acït man cï yïn a tuɔɔc ë piny nɔm, yen aa tuɔɔc ɛn keek ë piny nɔm aya.

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 4:25

Go tik lueel an, “Aŋiɛc nɔn bï Mathia bɛ̈n (yen acɔl Kërtho): ku të cï en bɛ̈n, ka bï wo guëër käŋ kedhie.”

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

Luɔi 3:22

Mothe ë kuarkuɔ yɔ̈ɔ̈k ë yic an, tiët tök abïï Bɛ̈nyduöndït Nhialic jat nhial ë mïthëkɔckun yiic, acït man ë yɛn, jamde abäk piŋ, jam bï lɛ̈k week ëbɛ̈n.

Luɔi 7:37

Yen Motheyë kï, raan wään yöök kɔc ke Yithriɛl an, ‘Tiët tök abïï Bɛ̈nyduöndït Nhialic jat nhial në këdun ë kɔckun yiic, raan cït ɛn, jamde abäk piŋ.’

Nyöŋ 18:15

Ku kë bïï looi, abï week tuöc tiët de Nhialic cït ɛn, raan de kɔckun yiic ku abäk dhil riëëu.

Nyöŋ 33:5

Bɛ̈nydït acï ya Meliŋ ë Jecurun, wään bï bäny ke kɔc kenïïm mat, ku mät dhiëën ke Yithriɛl ëbɛ̈n tëtök.

Nyöŋ 34:10

Ku acïn tiët cï kɔn tɔ̈u paan de Yithriɛl tiët cït Mothe. Bɛ̈nydït aaye jam kekë yen ke ke tuööm nïïm.

Nyöŋ 5:5

Yɛn cï bɛ̈n kɔ̈ɔ̈c në kaamdun ë Bɛ̈nydït, bä week lɛ̈k kë ye lueel. Në biäk wään cïï kek riɔ̈ɔ̈c në mac ku wek kën bɛ̈n lɔ nhial ë kuur nɔm. “Acïï Bɛ̈nydït lueel an,

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Ɣeberuu 7:22

Kë lueel ee kuëŋë acuk ŋic ëgɔk luɔi cï Yecu mäc nɔm män ŋuän ë kaam ë Nhialic ke kɔcke.