Nyöŋ 17:18 - JAM DE NHIALIC 2011

¹⁸ Të cï yen jɔ nyuc në thööny de ciɛɛŋde nɔm, abï nɔm dhil dɛ awerek töŋ ë löŋ ke yen, awerek tɔ̈u kekë Lebai, bäny de kake Nhialic.

Nyöŋ 17:18 ပူးပေါင်းရင်းမြစ်များ

1 Mel 2:3

ku ye löŋ ë Bɛ̈nydït Nhialicdu döt, ku ye cath në kuɛɛrke yiic kedhie. Ye cök ke lööŋ kedhie döt, kakɛn lueel cït man cï ye gɔ̈ɔ̈r në löŋ ë Mothe yic ke yï bï athiɛɛi yök në këriëëc loi yic ëbɛ̈n, ku ɣään ee yïn ke lɔ thïn ëbɛ̈n.

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Mel 22:8

Go Ɣilikia bɛ̈nydïït ë kake Nhialic lɛ̈k Capan raan ee käŋ gɔ̈ɔ̈r, an, Yɛn cï awerek de löŋ yök Luaŋdïtic. Go Ɣilikia awerek gäm Capan, ku kueenic.

2 Lëk 34:15

Ago Ɣilikia lɛ̈k Capan an, “Yɛn cï awerek de löŋ yök ë Luaŋdïtic.” Ago Ɣilikia awerek gäm Capan.

Nyöŋ 31:9

Go Mothe ë löŋë gäär piny, ku gëm bäny ke kakë Nhialic, wɛ̈ɛ̈t ke lɔ, kɔc ë athänduŋ de män ë Bɛ̈nydït ɣääc ku lɔ röördït ke Yithriɛl kedhie.

Jocua 1:8

Du awerek de ee löŋë kɔn tɔ jël në yïthok. Ye cool ë ŋɛk yïn e yic, aköl ku wäkɔ̈u ke yï bï luɔi de këriëëc ëbɛ̈n jɔ lëu, kë cï gɔ̈ɔ̈r thïn. Ke yï bï jɔ tiam.