Nyöŋ 17:17 - JAM DE NHIALIC 2011

¹⁷ Ku melik acïï nɔm bï dɛ diäär juëc, në biäk bïï diäär ye pɔ̈k piɔ̈u wei në Bɛ̈nydïtic, ku acïï rɔt bï tɔ kueth në ateek ku adhääp.

Nyöŋ 17:17 ပူးပေါင်းရင်းမြစ်များ

Cäk 2:24

Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.

2 Tham 12:11

Yɛn cï kuëëŋ, Yïn bä yiɛ̈n raan de dhiëndu bï yïn tɔ nuan. Abä tïŋ kööl bän diäärku jɔt ku gäm keek raandäŋ raan wek. Abï diäärku nööm aköl ke yï daai thïn, ku abïï ŋic ë raan ëbɛ̈n.

2 Tham 5:13

Ku ɣɔn jël en në Ɣebron, Debid aacï diäär mɔ̈th juëc nööm, ku diëër juëc, ku ade nɔm mïthwät ku duet juëc.

1 Mel 10:21

Ku aduuk ye melik Tholomon ke dek kedhie ayek adhɛ̈p, ku aduuk ke ɣöndɛn nu roor ë Lebanɔn ayek adhäm awai. Acïnic kë cï looi në ateek, në baŋ cïn en naamde në akööl ke Tholomon.

1 Mel 10:27

Go melik ateek tɔ tɔ̈u ë Jeruthalem cït man ë kur, ku tɔ tim de thidar juëc cït man ë ŋaap ee cil ë kur thäär në Juda.

1 Lëk 14:3

Wään tɔ̈u ë Debid ë Jeruthalem, acï bɛ̈n thiëëk ë diäär kɔ̈k, ago bɛ̈n dɛ wɛ̈ɛ̈t juëc ku duet juëc.

2 Lëk 1:15

Wään muk en bääny ateek ku adhääp acïk bɛ̈n kith abïk ciët kɔi ë Jeruthalem, ku tim de thidar acï bɛ̈n kith abï ciët tiim ke ŋaap.

2 Lëk 11:21

Kuën de diäär ke Reɣobowam kedhie ayek thiëër ku bɛ̈t, ku ade nɔm diëër määthke kathiërdhetem, ku aaye wun wɛ̈ɛ̈t kathiërrou ku bɛ̈t, ku duet kathiërdhetem. Ku aa nhiaar tiiŋ cɔl Maaka aläl në diäärke yiic ku diëër määthke yiic,

Neɣe 13:26

Guɔ lueel an, “Aa ye diëër ke juöör kek ë tɔ Melik Tholomon wäc. Yen aaye raan dïït wär Meliik ke juöör kɔ̈k. Anhiɛɛr ë Nhialic en, ago looi ke ye Melik de Yithriɛl ëbɛ̈n, ku ëtɛ̈ɛ̈n ëbɛ̈n ŋoot ke lööny në awänyë yic

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Kɛ̈ŋ 31:3

Du riɛldu tɔ thöök wei në ŋɔ̈ɔ̈ŋ ë diäär ye kɔɔr, kɔc ee meliik riɔ̈ɔ̈k.

Malakai 2:15

Kën Bɛ̈nydït ɣöndun deer nɔm në Yen? Ku eeŋö tɔ ë Nhialic keek ee tök? Aa tɔ keek ee tök agokï mïth ŋic Nhialic dhiëëth. Ka week tiɛtkï röt apiɛth, ku duökï diëërkuön riëëc wek pɛ̈l wei.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 19:5

ago lueel an, ‘Yen abï raan wun pɔ̈l ku pɛ̈l man, ago jɔ mat kekë tiiŋde, agokï aa guöp tök keek kaarou?’

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.