Nyöŋ 17:16 - JAM DE NHIALIC 2011

¹⁶ Ku melik acïï nɔm bï dɛ jöŋgöör juëc, jöŋgöör ke remdɛn ë tɔŋ, ku acïï kɔc bï dhil aa tuɔɔc Rip lek jöŋgöör ɣɔɔc, në biäk cïï Bɛ̈nydït Ye lueel an, kɔckï ë ke cïï kenïïm be pɔ̈k Rip.

Nyöŋ 17:16 ပူးပေါင်းရင်းမြစ်များ

2 Tham 8:4

Go Debid agum ku bot kadhorou 1,700 de kɔc ke jöŋgöör peec, ku peec aguum kathiërrou 20,000 de rem de tɔŋ cath ë kecök. Go rɔt muɔ̈k jöŋgöör juëc bï bɔt de abëël ke tɔŋ thel, ku jɔ kɔ̈k tɔ ee ŋöl.

1 Mel 1:5

Në aköölkë yiic wën ë Debid Adonija ku man acɔl Ɣagith yen aaye wëndït, acï dhel ë yepiɔ̈u luɔi bï yen rɔt tɔ ye melik në dhiɔɔp ë wun yic. Go rɔt yiɛ̈n abëël ë tɔŋ, ku jöŋgöör, ku kɔc kathiërdhïc ee riŋ ë yenɔm tueŋ.

1 Mel 4:26

Tholomon aa de nɔm bot kathiërŋuan 40,000 ke jöŋgöör ke abëël, ku bot kathiëër ku rou 12,000 ke röör ee cath ë jöŋgöör kɔ̈ɔ̈th.

1 Mel 5:6

Yen ënɔɔnë, yɔ̈ɔ̈kë kɔcku bïk a yiëp tiim ke thidar ë Lebanɔn, ku kɔc ee yɛn luööi abïk rëër në kɔc ee yïn luööi, ku yïn bä gäm ariöp de kɔckuön ee yï luööi, në këde kë bä lueel ëbɛ̈n. Ku aŋic nɔn cïn en raan nu në wo yiic, raan atët ee tiim ŋiëc yep cït kɔc ke Thidon.”

2 Lëk 1:16

Jöŋgöör ke Tholomon aake ye lɔ ɣɔɔc ë Rip ku lɔ Kue, aaye raan cï melik gäm ɣööcden keek ɣɔɔc ë wëu.

2 Lëk 9:25

Melik Tholomon aa de nɔm aguum kaŋuan 4000 de abëël ke tɔŋ kekë jöŋgöör, ku ade nɔm aguum kathiëër ku rou 12,000 de jöŋgöör ee thɔ̈ɔ̈r. Acï kɔ̈k tɔ piɔ̈ɔ̈t ë Jeruthalem ku tɛ̈ɛ̈u kɔ̈k në pɛ̈ɛ̈nydït kɔ̈k yiic ëbɛ̈n.

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Bɛ̈n 13:17

Na ɣɔn, apɛ̈l melik ë Rip kɔc jäl, Nhialic akën kɔc bɛ̈n tɛ̈ɛ̈k në kueer ë Pilithtia ku ee yen aye kueer thiɔ̈k. Acïï ë Nhialic bɛ̈n cät an, “Të le kɔc ë tïŋ nɔn bï kek lɔ gɔ̈m në kɔc, tɛk däŋ bïk kenïïm waar, ku pukkï kenïïm Rip. Ku acä kɔɔr aya.”

Bɛ̈n 13:18

Go Nhialic ke tɛ̈ɛ̈k ë jɔ̈ɔ̈ric, cök kenïïm Wɛ̈ɛ̈r Thith kɔ̈u. Ku kɔc ke Yithriɛl acïk tɔɔŋken bɛ̈n kiëët ku jɔkï jäl Rip.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Yith 2:7

Pinyden acï thiäŋ ke atek ku adhɛ̈p ka kuɛthden acïn guut, ku thiäŋ pinyden ke jöŋgöör ka abëël ke tɔŋ cïï kɔ̈ɔ̈th tɛɛm

Jeremia 42:19

Aguɔ ŋuɔɔt ke luɛɛl an, “Bɛ̈nydït acï we yɔ̈ɔ̈k wek kɔc cï döŋ Juda an duökï lɔ Rip. Ka wek jääny keek ënɔɔnë

Edhekiɛl 17:15

Ku melik de Juda acï löŋ bɛ̈n rɛɛc, ku tooc kɔcke Rip bïk yen lɔ yiɛ̈n jöŋgöör ku remdïït de tɔŋ. Bïï tiam? Duëër jäl kekë ee kakë? Acïï löŋ cï mac duëër dhoŋ kɔ̈u ku jiël ke cïï luiyë këtuc!

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Maika 5:10

Aye Bɛ̈nydït lueel an, “Ëtɛ̈ɛ̈n, Yɛn bï jöŋgöörkun riɔ̈ɔ̈k ee köölë, ku riääk abëëlkuön ke tɔŋ.

Nyöŋ 28:68

Bɛ̈nydït abï week tuɔɔc ciëën Rip në abëël wïïr, cakaa nɔn cï Yen ë lueel an, wek cïï duëër bɛ lɔ ëtɛ̈ɛ̈n taitai. Ëtɛ̈ɛ̈n we bï röt ɣɔ̈c kɔc ke aterdun ke we ye lïïm, ku acïn raan bï piɔ̈u de luɔi ɣɔɔc en week.

1 Tham 8:11

lueel an, “Kënë yen abï melik bï week wat aa looi: Abï mïthkun nööm ku tɔ keek lui në joŋköörkɛn ke tɔŋ, ku kɔ̈k abïk aa riŋ në abëëlkɛn ke tɔŋ nïïm tueŋ,