Nyöŋ 17:15 - JAM DE NHIALIC 2011

¹⁵ Ŋiɛckï ë gɔk, an raan bäk bɛ̈ɛ̈i ke ee melik, abï aa raan ee yen cïï Bɛ̈nydït lɔc. Abï dhil aa raan töŋ de kɔckuniic, duökï raan lei tɔ ee melikdun.

Nyöŋ 17:15 ပူးပေါင်းရင်းမြစ်များ

2 Tham 5:1

Na wën ke dhiëën ke Yithriɛl lɔ tëde Debid në Ɣebron ku lëkkï yen an, “Tïŋ wok ee kɔc ke dhiëndu.

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

1 Lëk 12:23

Ɣɔn tɔ̈u ë Debid në Ɣebron, remdïït ë tɔŋ cï piɔ̈ɔ̈c acï rɔt bɛ̈n mat ë rem de tɔŋde yic, bïk lɔ kuɔny bïï aa melik ë nyin de melik Thaulo yic, cït jam ɣɔn cïï Bɛ̈nydït lueel. Kɔc ke Juda muk kööt ku tɔɔŋ ayek aguum kadhetem ku bot kabɛ̈t. Kɔc ke Thimion, röör jööt cï ŋiëc wɛ̈ɛ̈t lëu tɔŋ, ayek aguum kadhorou ku bɔt tök Kɔc ke Lebai ayek aguum kaŋuan ku bot kadhetem. Kɔc ke wën melik Jeɣoyada, raan dhiën de Aron ayek aguum kadiäk ku bot kadhorou. Kɔc ke Dhadok, jön thiin cï ŋiëc wɛ̈ɛ̈t lëu tɔŋ, ku wɛ̈ɛ̈t paan de wun, ayek thiërrou ku rou. Kɔc ke Benjamin, kɔc raan në Thaulo ayek aguum kadiäk. Ku kɔc juëc ke Benjamin acïk bɛ̈n döŋ ke ke tɔ̈u ë Thaulo cök. Kɔc ke Eparaim ayek aguum kathiërrou ku bot kabɛ̈t 20,800, ayek jööt cï ŋiëc wɛ̈ɛ̈t lëu tɔŋ, ku ayek kɔc de kɛk ë dhiëndenic. Kɔc ke dhiën biäk de Manatha ayek aguum kathiëër ku bɛ̈t 18,000, kɔc wään cï bɛ̈n bïk Debid bɛ̈n tɔ ye melik. Kɔc ke Yithakar, kɔc ŋic täu de akööl, kɔc ŋic kë duëër ë Yithriɛl aa looi, adekï bot kaarou ke bäny, ku kɔc raan ë keek kedhie atɔ̈ukï në kecök. Kɔc ke Dhebulun ayek aguum kathiërdhïc 50,000, ayek rem de tɔŋ cï ke ŋiëc wɛ̈ɛ̈t, ku adekï kakɛn ë tɔŋ kedhie bï kek Debid luök. Kɔc ke Naptali adekï agum de bäny ke tɔŋ, ku aciɛthkï në aguum kathiërdiäk ku dhorou 37,000 de rem de tɔŋ muk kööt ku tɔɔŋ. Kɔc ke Dan ayek aguum kathiërrou ku bɛ̈t, ku bot kadhetem 26,600 de rem ë tɔŋ cï guiir në biäk ë tɔŋ. Kɔc ke Acer ayek aguum kathiërŋuan 40,000 de rem ë tɔŋ cï guiir në biäk ë tɔŋ. Kɔc ke Ruben, ku Gad, ku biäk de Manatha nu ë Jordan kɔ̈u të lɔ aköl amiäk, ayek agum bɔt ku thiërrou 120,000 de rem ë tɔŋ cï guiir në wëu ke tɔŋ kedhie.

1 Lëk 22:10

Yen abï ɣöt yïk në rinkï. Abï aa wëndï, ku Yɛn bï aa wun, ku Yɛn bï thööny de bäänyde döt në Yithriɛl aɣet athɛɛr.”

1 Lëk 28:5

Ku gëm ɛn wɛ̈ɛ̈t juëc ku në wɛ̈ɛ̈tkï yiic kedhie, acï Tholomon lɔc bïï aa melik de Yithriɛl ëbɛ̈n, ciɛɛŋ de Bɛ̈nydït.

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 89:20

Yɛn cï awundiën Debid yök, acä tɔc nɔm në miökdiën ɣeric.

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Math 22:17

Yen lëk yïn wook, ke luel ë yïpiɔ̈u. Cï päl wook nɔn bï wok Kaithar aa kuöt athölbö, ku cie yen?”

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”

1 Tham 16:3

Caalë Jethe në miaac yic, ku yïn bä lɔ lɛ̈k kë bä looi. Yïn bï raan lɔ tɔc nɔm ke ye melik, raan bä lɔ nyuöth yïn.”

1 Tham 8:5

Gokï lɛ̈k en an, “Yïn cï dhiɔp ku wɛ̈ɛ̈tku acïkï luɔɔidu kuany yic, ënɔɔnë kuany melik bï wook wat, cït juöör kɔ̈k de nïïm melik.”