Nyöŋ 17:1 - JAM DE NHIALIC 2011

¹ Go Mothe lueel an, “Duökï Bɛ̈nydït Nhialicdun ee näk weŋ, ku nɔn ee thɔ̈ɔ̈k de guöp tëdak, kënë amɛɛn Bɛ̈nydït.

Nyöŋ 17:1 ပူးပေါင်းရင်းမြစ်များ

Cäk 41:19

Ku be ɣɔ̈k kɔ̈k nɔl kadhorou lɔ̈ɔ̈k bɛ̈n bei në kecök. Ɣɔ̈k cï yomken lɔ gaŋaŋ biic. Acïn ɣɔ̈k nɔɔl rɛɛc cït keek cä kɔn tïŋ piny ë Rip ëbɛ̈n anandï.

Bɛ̈n 12:5

Aduëërë lɔc ke ye nyɔɔŋ amääl, ku nɔn ee yen nyɔɔŋ bou. Ku abï dhil aa nyɔɔŋ ee ruöön tök, nyɔɔŋ cïn kë dak në yeguöp.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 20:10

Kuöc thëm de yic cuëër ee gök de kërɛɛc mɛɛn Bɛ̈nydït.

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Malakai 1:8

Go Bɛ̈nydït de rɛm lueel an, Nɔn ya wek weŋ cɔɔr gam ke ye miɔ̈c, kënë yak tak cie awäc? Ku ee nɔn ya wek thɔ̈ɔ̈k ŋɔl gam, ku nɔn yen thɔ̈ɔ̈k de guöp jɔk, kënë yak yök cie awäc? Thɛmkï da, bäk ɣɔ̈k cït keek gäm bɛ̈nyduön mac week! Yak yök duëër piɔ̈u miɛt ke week? Duëër keek gam tëde week?

Kuɛ̈n 29:8

Gämkï miɔ̈c ye nyop ëbɛ̈n Bɛ̈nydït, miɔ̈c ee Ye miëët piɔ̈u: miɔɔr atiëëk tök, ku nyɔɔŋ amäl dïït tök, ku nyök amɛ̈lkor kadhorou de ruöön tök, ke ke cïn gup tëdak kedhie.

Nyöŋ 15:21

Ku na de lɛ̈i guöp tëdak, na yek ŋöl, ku nɔn yek cöör, ku nɔn de tëdak në kegup aläl, acäkkï keek bï dhil näk Bɛ̈nydït Nhialicdun.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Nyöŋ 24:4

Në ye ɣäänkë yiic kedhie, acïï monydɛn tueŋë yen duëër bɛ thiaak, abï ë tiiŋë dhil tïŋ ke ee kë cï dhiöök. Na le bɛ nyɔk ë thiëëk, ka abï aa awäc yen cï luöi Bɛ̈nydït. Wek cïï kërɛɛc dïït cït ee kënë bï looi në piny gëmë Bɛ̈nydït Nhialicdun week.

Nyöŋ 25:16

Bɛ̈nydït Nhialicdun aman kɔc ee mɛth.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.