Nyöŋ 16:19 - JAM DE NHIALIC 2011

¹⁹ Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 16:19 ပူးပေါင်းရင်းမြစ်များ

Diɛt 15:5

Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 23:2

Du ee mat wekë kɔc juëc të cïï kek wööc, ku të gɛm kek löŋ lueth mɛ̈ɛ̈r kek yic.

Bɛ̈n 23:3

Duökï ee kuum ke we kuëëny kɔciic të kuööm wek raan kuany nyin.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Kɛ̈ŋ 17:23

Raan ee karɛc looi ee kum thok nööm në cuëër, ke bï löŋ cï ŋiëc guiir riɔ̈ɔ̈k.

Kɛ̈ŋ 18:5

Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

Kɛ̈ŋ 24:23

Käkë ayadäŋ ayek jiɛɛm ke kɔc pel nïïm. Riëëu de guöp të guiirë löŋ acïï piɛth.

Kɛ̈ŋ 24:28

Du raan däŋ ciëk thok baaŋ, du liemdu ee tɔ ye këde mɛth.

Kɛ̈ŋ 31:5

Dëk ee keek tɔ mär nïïm në lööŋ cï tääu piny, ku mär yiny de kɔc kuanynyïïn.

Wɛ̈ɛ̈t 7:7

Ee yic, të cï raan pelnɔm lɔ në mɛthic ka cï dhɔ̈n, ku kumthok ee raan riɔ̈ɔ̈k.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Jeremia 5:28

yeka cuɛi kek ku piɛthkï gup. Luɔidɛn rac acïn pëk. Acïkï mïth abɛɛr ee gäm yicden, ku cïkkï löŋ de kɔc yɔŋ ee ŋiëc guiir.

Edhekiɛl 18:8

Acïï wëu ee gäm kɔc në aŋuëk. Ee jaai në luɔi de kërac, ee jamde teem apiɛth tëde yen teer.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Ɣabakuk 1:4

Ka löŋ acï ciën naamde, ku acïn löŋ ye ŋiëc guiir ë gööny yic, kɔc ee karɛc looi ayek kɔc piɛthpiɔ̈ɔ̈th tiaam në juëc, ka yic acïï be lɔ kim piny.

Luɔi 10:34

Na wën, ke Petero tuer e thok, ku lueel an, “Yɛn ë Nhialic tïŋ ë yic, nɔn cïï en ee raan ee kɔc kuany yiic.

Luɔi 16:37

Go Paulo lueel an, “Acïk wo dui ë kɔc nïïm, ke wo kënë yiëk nïïm gääk, ku yok Romai, ku acïk wo cuat ë aloocic, ku duëërkï wook jäp biic ëcuëër ënɔɔnë? Acie yen, në ke bɔ̈ kegup, bïk wo bɛ̈n bɛ̈ɛ̈i bei.”

Luɔi 23:3

Go Paulo yɔ̈ɔ̈k an, “Yïn bïï Nhialic biɔ̈ɔ̈k, yïn ee päny cï rɔɔth kɔ̈u ë këɣer! Yïn rɛ̈ɛ̈r ëtɛ̈ɛ̈n, bä këdï bɛ̈n guiir në këde löŋ, ku bä kɔc yɔ̈ɔ̈k an, bïk a biɔ̈ɔ̈k, ago löŋ jɔ wööc aya!”

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Nyöŋ 16:18

“Kuanykï bäny ee löŋ guiir ku bäny kɔ̈k ë dhiëënkun yiic, në wuötiic kedhie, wuöt cïï Bɛ̈nydït Nhialinydun ke gäm week. Kɔckë abïk löŋ ë kɔc aa guiir ke cïn tëŋ de yic.

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Nyöŋ 27:19

‘Aciɛɛn de Nhialic abï tɔ̈u ë raan yeth, raan lɔ yic de kɔc lei, ku mïth abɛɛr, ku tiiŋ abaar cam.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 27:25

‘Aciɛɛn de Nhialic abï tɔ̈u ë raan yeth, raan ye riɔp ë wëu në biäk bï yen raan cïn guöp awäc nɔ̈k.’ “Ku abïï kɔc kedhie jɔ bɛ̈ɛ̈r an, ‘Amiin!’

1 Tham 12:3

Ya kï. Na de kë cä wööc, ke we gɔɔny yɛn ë Bɛ̈nydït nɔm ku lɔ melik cï piac lɔc. De weŋ de raan cä nööm ku nɔn ee yen mul? De raan cän këde rum ku nɔn de raan cä yɔŋ? De raan cän kum thok nööm tëde yen? Ku na de ka cä looi në ee kakë yiic, ka abä keek cool tëde yen ka cä nööm.”

1 Tham 8:1

Wään cï Thamwɛl jɔ dhiɔp, go wɛ̈ɛ̈tke kuany ke ke ye bäny ke luk ë Yithriɛl.

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.